لكل حد محتاج استراتيجية تسويق ناجحة عبر سناب شات ومش عارف من وين تبدأ! بحب أخبرك إنه التسويق على Snapchat صار ضروري كتير لشغلك حتى تبني مستقبل زاهر. عالم مليان بالأسرار لكن رح يصير الموضوع لعبتك لو عرفت مين جمهورك المستهدف بالزبط وشو اللي بدك توصله من الفكرة كلها من التسويق على السوشيال ميديا سواء سناب أو غيره.

لازم قبل ما تفكر تنشر أي شيء تكون عارف توجهاتك كاملة. العشوائية أبدًا مش لصالحك بالمرحلة هاي كل شي بده يكون مخطط ومدروس بالتكة!. ويا سلام لو اعتمدت على فريق إدارة المحتوى التسويقي عندك ليطلّع أحسن ما عنده من أفكار إبداعية في التسويق على سناب. واليوم احنا حابين ندردش معكم عن تفاصيل التسويق عن طريق سناب شات بالتفصيل ونتعاون مع بعض إن شاء الله.

التسويق على سناب شات 

التسويق على سناب شات صار يحقق نجاح باهر لأصحاب الأعمال حاليًا، خاصة بعد الأرقام الجنونية اللي كسرها من عدد مستخدمي سناب شات بعد ما تجاوز 400 مليون مستخدم نشط يوميًا. والأحلى من هيك إنه نسبة الشباب بين 18-35 عام وصلت 62%، يعني الأكثر استخدام حسب إحصائيات statista.

الفئة العمرية للمستخدمين بتأثر جدًا بأي استراتيجية تسويق ناجحة عبر سناب شات ممكن تعتمدها. وحتى تكون عارف إنه فئة الشباب أو زي ما بنسميهم جيل Z هم الأكثر حيوية وتأثير بنجاح الحملات الإعلانية على سناب أو لا! لهيك التسويق على سناب شات مثالي كتير لتوصل للفئة الشبابية تحديدًا وبلمح البصر.

اعرف كمان: 6 أشهر مواقع التواصل الاجتماعي في الأردن

استراتيجية تسويق ناجحة عبر سناب شات

حتى تحقق نجاح ومبيعات بتحلم فيها لازم تبني علاقة مودة مع جمهورك المستهدف. حملاتك الإعلانية مهم تعرف كيف ولمين ومتى تبدأ فيها. وهاد رح تعرفه تمامًا بعد ما نحكي عن شوية استراتيجيات تسويقية ناجحة عبر سناب شات أثبتت كفاءتها بعد ما استخدمها عدد ضخم بالتسويق، يلا نبدأ: 

1. اعرف شو بدك وحدد أهدافك من الألف إلى الياء 

التسويق على Snapchat كتير بسهل عليك تحقق الأهداف التسويقية لشغلك. لهيك لازم تحدد أهدافك التسويقية على سناب شات قبل أي شي تاني بكل رحلتك، لأنه بكل بساطة هاد رح يعطيك فرصة لتوصل:

• الوعي بالعلامة التجارية Brand Awareness بصير أكتر عند جمهورك.
• حركة المرور Web traffic أحسن بكتير مقارنة مع الفترة الماضية، بتبدأ الزيارات على المتجر والموقع تهّل.
• العملاء المحتملين للشراء Lead Generation رح يتفضلوا لعندك ببساطة.
• عدد مرات تحميل التطبيق الخاص بشغلك لو كان موجود رح تكون أكتر.
• التواصل رح يكون خرافي مع جمهورك ومن القلب للقلب.

إلقي نظرة: أهمية إدارة فريق المحتوى التسويقي لشركتك: 7 أسرار لازم تعرفها

2. تعمق بجمهورك وتفاصيله وتعرف عليهم أكتر – استراتيجية تسويق ناجحة عبر سناب شات

لو كنت ناوي ترفع مكانة البراند لأعلى مستوى! فإنت لازم تعرف جمهورك وتفهم مين هم؟ وشو بدهم؟ وشو بحبو بالزبط حتى تعرف تدخل قلوبهم بعلامتك التجارية وتستوطن فيها!. طور استراتيجية تسويق ناجحة عبر سناب شات ليكون شريكك بالنجاح، لهيك خلينا نكون متفقين على التفاصيل الجاية:

• رؤى الجمهور Audience Insights

التسويق عبر سناب شات بحتاج منك تحدد رؤى الجمهور لتقدر تتعرف على جمهورك المستهدف على سناب أكتر، وبعدها تبني المحتوى المناسب جدًا. لما تعرف رؤى الجمهور بتقدر تحدد القطاعات والمجالات الأكثر استهداف وتستغلها لتزيد نسبة الوصول لعندك. خاصة إن هالميزة بتعطيك تحليلات تفصيلية عن المتابعين سواء الجنس، الموقع، عادات الشراء، والاهتمامات وغيرها كثير.

• استطلاعات سناب شات Snapchat Polls 

يمكن نعتبر موضوع استطلاعات سناب شات شي بسيط بالنسبة لفكرة استراتيجية تسويق ناجحة عبر سناب شات إجمالًا. لكن ما بننكر إنها بتكشف ما وراء الكواليس عند جمهورك وبتعرف رغباتهم واستجابتهم أكتر. لهيك اعرف الأسئلة اللازمة لتطرحها عليهم، ومن هون بتقدر تستخدم هالبيانات لتنطلق برحلة التسويق على سناب شات حسب رغبة المتابعين ورؤيتهم وتحقق حلمك بالنجاح.

3. تحليل المنافسين مهم لتحدد سقف طموحاتك أكتر

التسويق على snapchat بتطلب منك تعمل تحليل المنافسين إلك بمجال شغلك. لتكون قادر فعلًا وفاهم الآلية اللي بشتغلوا عليها وأساسيات النجاح عندهم. كمان هتعرف المحتوى اللي فعلًا جمهورك بحبو وبتفاعل معه بجنون؛ ورح تلاحظ الفرق بالانتشار وإنه الريتش عندك ارتفع كثير.

بنأكدلك إنه من ضمن الحديث عن أكتر استراتيجية تسويق ناجحة عبر سناب شات إنك تجمع أهم التفاصيل عن المنافسين من منتجات وجمهور. وكمان استراتيجية التسويق عبر سناب شات الي اعتمدوها، وطبعًا مش القصد التقليد لكن توليد أفكار إبداعية بناء على هالمعلومات لتقدر تبتكر طريقة توصل فيها للجمهور حسب سياستك ولكن حسب رغبته.

4. انطلق بالنشر للفيديوهات والمحتوى التسويقي على طريقتك الإبداعية

لا تتأخر بإنك تبهر جمهورك بأفكارك وإبداعاتك عن طريق الفيديوهات والمحتوى التسويقي الي بتنشره. وحتى تضمن جمهورك ما يمّل ولا يلف لك ضهروا اسمع مني النصائح التالية:

• انتبه لموضوع التنويع بالمحتوى بين فيديوهات وصور وغيرها، حتى تضمن متابعينك يضلوا معك.
• إنشاء خطة المحتوى ضروري لتمشي حسب منهج مش بشكل عشوائي، لذلك اهتم بالمواعيد والتفاصيل.
• لا تتجاهل جمهورك: تفاعل مع الجمهور وأعطيهم أهمية؛ بشجعهم على التعامل والولاء إلك، أكيد كلنا بنترك الشركة الي ما بترد على استفساراتنا وبنروح لغيرها.

يمكن تحتاجو: استراتيجيات صناعة محتوى جذاب للسوشال ميديا

5. الإعلانات المدفوعة على سناب شات

من أساسيات أي استراتيجية تسويق ناجحة عبر سناب شات هي الإعلانات الممولة، لإنها فعلًا بتحقق لك النتائج الإيجابية بفترة قصيرة كثير. بكل بساطة عن طريق الإعلانات المدفوعة بتحدد جمهورك، خصائهم، اهتماماتهم، وتوجهاتهم، عاداتهم الشرائية وغيرها كتير، واترك الباقي على الترويج لتشوف النتيجة الرائعة.

حتى تبدا التسويق عن طريق سناب بنجاح لازم تتعاون مع شركة متخصصة بالتسويق الإلكتروني ليكون الإعلان احترافي طبعًا.

6. إرفع الثقة بينك وبين جمهورك .. اعرض المراجعات الحقيقية بكل ثقة

بدون أدنى شك كلنا قبل ما ناخد القرار النهائي بالشراء أون لاين بندخل نشوف آراء العملاء الي جربو المنتج وبنشوف المراجعات. وهاد مهم ومؤثر جدًا بقراراتنا، لذلك لازم تكون عندك أجندة واضحة للترويج لمنتجك حتى تاخد ثقة جمهورك. إعرض مشاركات مراجعات العملاء الحقيقية بيساعد أكتر على بيع المنتجات والخدمات.

فكرة حلوة كمان لو حولت المراجعات لمحتوى جذاب بصريًا متلًا ستوري سناب مع موسيقى جميلة وهادية تعرض فيها المراجعات. ويا سلام لو كانت الموسيقى ترند كمان رح نضمن لك الوصول أسرع.

لا تتردد بتحفيز جمهورك على ترك مراجعاتهم من خلال إضافة الخاصية على المتجر وخلي الموضوع سهل.

7. أعطي المايك لجمهورك .. وخليه يتكلم عنك .. استراتيجية تسويق على سناب شات خرافية

رح تشوف نتائج عظيمة من أي استراتيجية تسويق ناجحة عبر سناب شات بمجرد ما شفت جمهورك بحكي عنك بفخر وثقة. حتى مجرد الكلام مبدئيًا هاد دليل قطعي على النجاح؛ بغض النظر لو حركة المرور كانت زوار مش مشترين مبدئيًا! لكن وصولهم بأكد لك إنه في نية مستقبلية واهتمام للتعامل معك بالمستقبل.

التسويق الشفوي على سناب صار مهم وعامل اجتماعي مؤثر كتير بحياة الشركات وأصحاب المشاريع. وبضمن لك يجي الجمهور الي بدور عليك من زمان، والأحلى من هيك لو كان الجمهور الي بحكي عنك مؤثر، رح تكون فرصتك أكبر أكيد.

8. الشراكة مع المؤثرين أقوى استراتيجية تسويق ناجحة عبر سناب شات 2025

الشراكة مع المؤثرين حاليًا ممكن نقول إنها أقوى استراتيجية ناجحة عبر سناب شات 2025 بكل فخر. وخاصة لما تكون الخطوة شريك بالنجاح ووصول حلمك! بنقدم لك حلول تسويقية مصممة لنقاوم أي تحديات بتواجه شركتك! ما في شي بصعب علينا بإذن الله.

ليش تختار الخطوة لتحقق أقوى استراتيجية تسويق على سناب بالشراكة مع المؤثرين؟

• إدارة الحملات التسويقية بطريقة احترافية لنضمن توصل نجاحك التسويقي الي بدك ياه.
• اختيار المؤثرين المناسبين، مش لمجرد إنك بتحبو لازم تتعامل معو! إحنا بنرسم لك خطة استراتيجية بكل دقة وتحليل حسب أدوات تحليل لنعرف شو بناسبك حسب جمهورك، مصداقية المؤثر، الأسلوب، والنتيجة.
• تحليل الأداء والتفارير.
• تفاعل حقيقي مع الجمهور.

تواصل معنا

أفكار تسويق عبر سناب شات ناجحة

من الخطوة بنقدملك شوية أفكار تسويق عن طريق سناب شات ممكن تاخدها بعين الاعتبار كمان:

• الستوري المسلية والإبداعية طريقة رائعة من طرق التسويق عبر سناب شات الناجحة. بما معناه إعرض خدماتك ومنتجاتك بطريقة احترافية وإبداعية.
• لا تتردد بإطلاق المسابقات، تعتبر من الطرق اللي حققت فعلًا نتائج عظيمة بجذب المتابعين والعملاء أكتر.
• تغطية الأحداث الي فعلًا بتهم الجمهور، وتحديدًا اللي إلها أثر اجتماعي.
• شارك جمهورك بكوبونات خصم باسمك من أي مكان بحبو يشترو منه، لا تنسى تعمل قسيمة أو كوبون فعلي إلك على سناب شات وإرسلها للقصة ليستفيد الكل منها.

اقرأ كمان: المؤثرين والتسويق في الأردن

الخلاصة

استراتيجية تسويق ناجحة عبر سناب شات ممكن تحددها حسب محتواك وجمهورك؛ وإما تصيب أو تخيب! لكن بتواصلك مع الخطوة بنضمن لك توصل للنجاح بعد ما نتكتك الاستراتيجية المناسبة ونرسم طريق الثراء والنجاح الي بدك ياه وبنضمن لك إنها تصيب وما تخيب طبعًا، لذلك لا تتأخر وتواصل معنا لنستغل الوقت، وقول وداعًا للتعب وأهلًا بالنجاح مع الخطوة.

أسئلة شائعة

شو أفضل استراتيجيات التسويق عبر سناب شات؟
أفضل استراتيجيات التسويق عبر سناب شات عن طريق المؤثرين، بإمكانك كمان تعتمد الإعلانات المدفوعة.

كيف ممكن أسوق لنفسي على سناب شات؟
ممكن تسويق نفسك على سناب شات من خلال تطوير مهاراتك، بالإضافة لتعلم الأساسيات بمجال معين حسب Snap Focus.

شو هي استراتيجية التسويق عبر المشاهير؟
استراتيجية التسويق عبر المشاهير على سناء يعني إنه تختار مؤثر أو مشهور مناسب مش بشكل عشوائي مع قيم علامتك التجارية والجمهور المستهدف، بحيث يقدر يروج لمنتجاتك وخدماتك بطريقة جيدة.