لو إنت صاحب شركة أو مشروع حابب تخليه اله اسمه بالسوق. فإنت لازم تعرف أهمية إدارة فريق المحتوى التسويقي اللي بختصر عليك كل الوقت الضايع والجهد لحتى توصل لأهدافك وتحقق أحلامك بالنجاح وتقول أهلًا بالثراء بعد اليوم. عشان هيك بدك تعرف إنه المحتوى التسويقي الاحترافي هو الخطوة الأولى لتجذب ملايين العملاء لعندك وتعزز علامتك التجارية بين ماراثون العلامات التجارية الي بتكتسح السوق بين ليلة وضحاها.

بعد ما تقرأ مقالي المميز عن إدارة المحتوى التسويقي ومراحله وأدواته رح تكون عارف شو بدك بالزبط ومن وين تبدأ الخطوة الأولى.

المحتوى التسويقي Content Marketing

كتير منا بيخلط بين أنواع المحتوى الدارجة على النت بالأيام هاي، ويمكن تفكر إنه البوستات اللي بتشوفها على السوشيال ميديا إجت بمحض الصدفة انكتبت بهالطريقة لأي منتج أو خدمة.! لكن بالواقع إنه المحتوى التسويقي اللي شفته إجا بعد تفكير وتركيز طويل ليوصل الفريق لمرحلة إنشاء المحتوى التسويقي ونشره. وبالتالي يوصلك إنت من ضمن الجمهور المستهدف بأي مكان شفته سواء جوجل أو تواصل اجتماعي أو غيرها.

الهدف من التسويق بالمحتوى إنه يجذب عملاء أكتر وجدد من أي برنامج ممكن يتواجدو عليه سواء تواصل اجتماعي أو محتوى مرئي، وكمان المدونات وغيرها. كتير طرق ممكن نعتمدها لننشر المحتوى التسويقي ليوصل للعميل الي بحتاجه فعلًا. وبالوقت الحالي كل الشركات وأصحاب المشاريع كتير مهتمين بهاد النوع من المحتوى بالذات. عشان هيك لازم إنت كمان تكون مهتم بإنك تعرف أهمية إدارة فريق المحتوى التسويقي وتباشر شغلك لتوصل نجاحك، ما ضل وقت للتأجيل! 

لازم تعرف: الفرق بين التسويق بالمحتوى وتسويق المؤثرين

أهمية إدارة فريق المحتوى التسويقي 

بتعرف إنه إقناع الجمهور بالمنتج أو الخدمة محتاج تكون ملك بالتسويق؟ طبعًا ما رح تشرحلو أي كلام. عشان هيك مسؤول إدارة فريق المحتوى التسويقي عنده الخطة الكاملة كيف وليش ومتى لتحقق أفضل النتائج من التسويق، عشان هيك خليني أقنعك أكتر ليش إنت محتاج تبدأ رحلة إدارة المحتوى التسويقي وفريقه، وهاي المعلومات حسب coschedule:

1. بزيد مستوى المصداقية بينك وبين جمهورك 

المصداقية من الأمور المهمة كتير بينك وبين جمهورك لتكون ناجح فعلًا. لو قدرت تستخدم التسويق بالمحتوى بكل صدق وأمانة رح تتفوق على المنافسين في السوق أكيد. عشان هيك إدارة فريق المحتوى التسويقي بتلعب دور كبير بإثبات وجودك ومصداقيتك عن طريق أفكار المحتوى المبتكرة مش التقليد والتكرار.

خاصة إنه صارت كتير أساليب تسويقية مستهلكة مش مقنعة للعميل؛ بمجرد ما قرأها بعمل Skip وما بكمل.

2. مكانك بالسوق أقوى بفضل إدارة فريق المحتوى التسويقي العبقري

إذا ناوي تكون الرقم الصعب بالسوق لازم تركز كتير على قوتك وسلطتك اللي بساعدك عليها نجاح إدارة فريق المحتوى التسويقي. عشان هيك اهتم بخبرة الفريق ومدى إتقانه لإنشاء المحتوى. وأهم شيء الابتكار والإبداع والقدرة على الإقناع، هاي الطريقة رح تشوف الجمهور بيجي لك من كل ناحية، وما بضل فرصة للتشكيك بشغلك.

3. رؤيتك بتتطور يوم ورا يوم 

فريق التسويق لازم يكون واعي ومحترف بمجاله، لهيك ركز على إدارة فريق التسويق بالمحتوى ليقدم لك أفضل ما عنده من محتوى تسويقي بجودة عالية، ويكون ديناميكي بالتطور وبلاحق آخر التحديثات الي بتنزل على الساحة، لذلك لازم يكون قادر يستعين بأي استراتيجية فيها مصلحة لتحسين نتائج البحث.

بالمختصر إدارة فريق المحتوى التسويقي بتتطلب توظيف الكلمات المفتاحية بأنواعها، والتركيز على الروابط الداخلية والخارجية وغيرها كتير من التفاصيل المهمة حتى يعزز رؤيتك وتكون مكانتك أقوى بأي مكان بتتواجد فيه على الإنترنت.

4. توزيع الأدوار  حسب الخبرات والمهارات 

“أعطي الخبز لخبازو” ما في شك إنه هالمثل صحيح 100%، لهيك إنت جدًا محتاج تعطي كل موظف في فريق المحتوى التسويقي عندك حتى يبدع بشغله! 

من هون رح تعرف إنك محتاج توزع الأدوار وتقسم الفريق حسب كل موظف بيقوم بدوره منهم مسؤول تحسين محركات البحث، وكاتب الإعلانات أو ممكن كاتب محتوى تسويقي، وكمان مدير الإعلانات المدفوعة، ومدير التسويق بالمحتوى وغيرهم.

الفريق لازم يكون بكمل دور بعضه البعض لتضمن إنك بتشتغل صح الصح! وتوصل للنتيجة اللي بتحارب عشانها في إدارة فريق المحتوى التسويقي.

5. إدارة فريق المحتوى التسويقي الناجحة إلها ناسها 

حتى تبني فريق تسويق بالمحتوى مثالي ومميز  إنت محتاج تجمع فريق قوي. وطبعًا هاد بكون بناءً على الأدوار الي لازم يشغلها كل واحد فيهم ومهاراته وخبراته.

ضروري تقيم الأعمال السابقة للفريق الي حابب توظفه وخبرته بالمجال، ومدى معرفته بالسوق وكيف يستهدف المجتمع المطلوب. ويفضل إنك تعتمد ناس عندها مهارات تواصل قوية لأنه هالمهارة أساسية بأي مجال تسويق رقمي.

6. إنشاء محتوى إبداعي واستراتيجي 

بعد ما تبدأ خدمات إدارة فريق المحتوى الرقمي فعليًا فإنت بهاي المرحلة رح تشوف قدام عيونك محتوى تسويقي مبهر ورائع. رح ترتفع معنوياتك أكيد لأنه أهداف شغلك رح تتحقق أخيرًا. لأنه الفريق بكون عارف كيف يعزز مكان علامة التجارية ويرفع ثقة العميل فيها.

عشان هيك المحتوى الجذاب مراية هويتك التجارية وبنضمن لك تكون الفانوس السحري للعملاء بتلبية احتياجاته، وأكيد صارت الصورة واضحة عن مدى أهمية إدارة فريق المحتوى التسويقي في نجاحك.

اقرأ أيضًا: 

التسويق بالمحتوى وكيف يصير الك جمهور
التسويق عن طريق المؤثرين بديل الحملات التسويقية المكلفة
10 استراتيجيات تسويق ستذهلك

7. الشغل منظم وحسب خطة مدروسة 

الشغل العشوائي مجرد مضيعة للوقت مش أكتر!. عشان هيك إنت محتاج لتعرف أهمية إدارة فريق محتوى التسويق اللي رح يبدأ شغله حسب الأصول. كتير أصحاب شركات ومشاريع بعانو من العشوائية بنشر محتواهم؛ بالتالي أثر على مستوى تفاعل الجمهور معهم وتراجعت نسب المبيعات مع الأسف. لكن فريق المحتوى التسويقي بكون دارس وعارف متى وكيف وليش ووين ينشر محتواه الإحترافي.

فريق التسويق بالمحتوى برسم خطة مدروسة كاملة بتغطي الشهر وبجدول المنشورات، مع اهتمامه الكبير باستمرار النشاط على القنوات التسويقية الي إنت معتمدها.

الخلاصة

كل علامة تجارية بتحتاج تعرف مدى أهمية إدارة فريق المحتوى التسويقي حتى تكون خطتها الجاية مزبوطة وحسب الأصول. عشان هيك إحنا كشركة الخطوة ممكن نعطيك خبرتنا الكاملة بالموضوع؛ رغم إننا شركة متخصصة بالتسويق عبر المؤثرين، وبتعاونك معنا بناخد بإيدك لتحقق حلمك بالنجاح، لو مستعجل اتصل هلأ إحنا بخدمتك بأي لحظة!.

أسئلة شائعة

شو الأدوار الأساسية في فريق التسويق بالمحتوى الي لازم تكون موجودة؟

فريق المحتوى التسويقي لازم يكون فيه مدير تسويق بالمحتوى، كاتب إعلانات Copywriter، كاتب محتوى، مصمم جرافيك، متخصص تحسين محركات البحث، منتج أو محرر فيديو.

ليش الشركات بتحتاج لفريق المحتوى التسويقي؟
لأنه هالفريق بكل بساطة بوسع معرفة الجمهور بالعلامة التجارية، وبحسن ترتيب موقع الشركة في محركات البحث، وبرفع مستوى الثقة والمصداقية بينها وبين الجمهور؛ بالنهاية مستوى تفاعل وولاء أكبر.

كيف أحدد حجم فريق المحتوى التسويقي بشركتي؟
أكيد فريق المحتوى التسويقي اللي لازم يكون بالشركة عندك بنحدده حسب حجم وميزانية الشركة، حجم المحتوى المطلوب، الأهداف التسويقية. وكمان عدد القنوات التسويقية بيأثر على الحجم، لكن عادةً بتبدأ الشركات بين 2-3 أشخاص. لكن لو شركتك كبيرة يمكن يوصل العدد لعشر أشخاص وأكتر.