ما في شك إنه مواقع التواصل الاجتماعي في الأردن قدرت تسرق وقتنا بطريقة غريبة، لكن الحلو بالموضوع إنه الأرقام والنسب منطقية مقارنة مع الشعوب التانية، ولو لاحظت وانت بتقلب بهالمواقع إنه كل منصة الها ناسها الي مدمنة عليها؛ يعني أهالينا الكبار ما بحبوا إلا فيسبوك ويوتيوب، أما صحابنا بالجامعة هجروا فيسبوك وركزوا على سناب شات وإنستقرام، لكن الفئة الجدية اللي بتدور بس على الشغل كل حياتها في لينكد إن، وإذا كان حواليك مراهقين يا سلام! رح يجننوك بالتصوير والتقليب على تيك توك وسناب شات، رغم هيك في تطبيقات متوقع إلها تكبر مثل انستقرام بسبب الريلزات، وسناب ولينكد إن، وتطبيقات تانية صارت شبه مهجورة من الشباب مثل فيسبوك وماسنجر وإكس، لكن تيك توك الحزين لسه مصيرو مجهول إجمالًا.

إحصائيات عن استخدام مواقع التواصل الاجتماعي في الأردن

صارت السوشيال ميديا جزء أساسي من حياتنا كأردنيين لكتير أسباب، سواء التواصل أو الشغل أو التسلية، كمان صرنا نحب نشتري منها أكثر وهاد الكلام كله مثبت بالأرقام، والدراسات كلها بتأكد إنه الموضوع رح يستمر ويكبر أكتر كمان وكمان، عشان هيك بدنا ندردش مع بعض عن أشهر مواقع التواصل الاجتماعي في الأردن بالأرقام والتفاصيل حسب احصائيات DATAREPORTAL:

1. عدد مستخدمين السوشيال ميديا بالأردن ببداية سنة 2025 كان 6.45 مليون أردني، يعني 55.7% من الشعب الأردني، يمكن تقول الرقم مش واو بس منطقي.
2. اللي بخليك تقول إنه الأرقام منطقية إنه نسبة وصول النت لبيوت الأردنيين 92.5%، تقريبًا 10.7 مليون، معناها في نسبة كبيرة مش مهتمة بالسوشيال ميديا كمان!.

أشهر مواقع التواصل الاجتماعي في الأردن

خلينا ندردش شوي مع بعض عن أكتر مواقع السوشيال ميديا استخدام في الأردن هالسنتين:

1. لليوتيوب Youtube حصة الأسد في أكثر مواقع التواصل الاجتماعي في الأردن استخدامًا

 

خلينا نقول إنه اليوتيوب هو الكينج لما نحكي عن السوشيال ميديا بالأردن، خاصة لما تعرف إنه عدد الي بستخدمو النت بالأردن 6.45 مليون زي ما خبرناك من شوي حسب احصائيات DATAREPORTAL، يعني أكيد عندهم يوتيوب بغض النظر عن سبب استخدامو! سواء للطبخ أو الدراسة أو الأغاني أو القرآن الكريم ومسلسلات، مش غريب طبعًا لأنه يوتيوب:

• أسهل شي تتصفحو وتوصل اللي بدك ياه، سواء كنت كبير أو صغير.
• بتلاقي المحتوى المناسب إلك ولعيلتك ببساطة.

والإحصائيات بتحكي إنه نسبة استخدام يوتيوب عند الأردنين ارتفعت 1.1% بين سنة 2024 و2025، وبالأرقام يعني 70 ألف مستخدم.

2. فيسبوك Facebook صامد بالمرتبة الثانية عند الأردنيين

فيسبوك من أشهر مواقع التواصل الاجتماعي في الأردن الي قدرت تحافظ على مكانتها، والدليل إنه حسب احصائيات DATAREPORTAL اللي بتقول إنه 5.45 مليون أردني عندهم حسابات فيسبوك نشطة، يعني ارتفع العدد بنسبة 2.8% خلال 2025؛ بالأرقام 150 ألف مستخدم جديد بسنة وحدة بس، هيك فيسبوك لسه قوي بالأردن.

أكثرية الأردنيين الي بتستخدم الفيس بوك بنسبة 74.1% هم من الشباب الي عمرهم 18 سنة وفوق، يعني لسه إله مكانتو بين الشباب إجمالًا، الأسباب اللي بتخلي الفيسبوك لسه قوي بين تطبيقات السوشيال ميديا بالأردن:

• بحبو كتير فكرة الماركت بليس Market place ويشوفو المعروضات يمكن تعجبهم.
• بتلاقي جروبات لاهتماماتك سواء حارتك، شغلك، جامعتك وغيرها.
• بتوصل للإعلانات بكل سهولة لأي شركة أو شي بتدور عليه صرلك زمان.

3. الانستغرام Instagram من مواقع التواصل الاجتماعي بالأردن الصاعدة بقوة

بتعرف إنه عدد مستخدمين الانستقرام وصل 4.05 مليون مستخدم بس بالأردن! خاصة بعد ما ارتفع بنسبة 9.5% يعني 350 ألف مستخدم، وهاد النمو الأعلى بين بقية مواقع السوشيال ميديا بالأردن، وطبعًا هاد الكلام حسب احصائيات DATAREPORTAL.

الخلاصة إنه الأسرار اللي خلت استخدام الانستقرام تزيد بهاي الطريقة هي:

• الريلزات المميزة التي خلتو ينافس تيك توك فيها.
• الستوريز Stories اللي بتشارك فيها جمهورك وصحابك وعيلتك.
• كثرة المحتوى المرئي اللي بحبوه المستخدمين أكثر من القراءة.
• كل المشاهير والمؤثرين على انستقرام.

4. سناب شات Snapchat بأرقام خيالية

حسب احصائيات DATAREPORTAL مجانين سناب صاروا 4.10 مليون مستخدم بالأردن سنة 2025! وحسب الإحصائيات زادت النسبة 18.4% مقارنة مع السنة الماضية؛ يعني 635 ألف مستخدم جداد على سناب، وبالفعل رقم خيالي!

كمان حسب الأرقام والإحصائيات البنات بستخدمو سناب شات أكتر من الشباب، بدلالة 54.4% إناث قدام 44.6% من الشباب على سناب، طبعًا أكيد في علامات استفهام عن السبب، لكن الإجابة سهلة وبسيطة:

• مكان حلو لكل اللي بحبو الفلاتر والعدسات.
• تطبيق شبابي أكتر، يعني بتلاقي جيلك ع الأكتر.
• درجة خصوصية عالية بحلمو فيها الكل.

5. لينكد إن LinkedIn للناس اللي بتدور شغل

إذا كنت بتدور على شغل سواء جوا الأردن أو برة؛ قدامك فرصة تستخدم لينكد إن حتى توصل للي بدك ياه، رح تلاقي عدد ضخم من الشركات اللي بتدور عليك.

بالرغم من الأهمية الكبيرة لكن عدد المستخدمين بالأردن لا يتجاوز 2 مليون بس! لكن حسب الإحصائيات نسبة النمو 25%، ومنطقيًا الارتفاع رائع وضروري لانه الناس صارت تفهم وتعرف وين تدور على الشغل.

نسبة النساء على لينكد إن 33.8% فقط، لكن الوجود الأكبر للرجال بنسبة 66.2%، لسه التطبيق ما صار أفضل مواقع التواصل الاجتماعي في الأردن بالنسبة للنساء حسب احصائيات DATAREPORTAL.

6. تيك توك تطبيق مثير للجدل

 

كلنا بنحب نشوف الفيديوهات القصيرة وبنضيع وقت كبير عليها، لكن رغم هيك تيك توك ما تجاوز عدد المستخدمين فيه 2.30 مليون مستخدم بالأردن، لكن في كلام إنه الأرقام مش دقيقة، ولسه الأرقام بتقل أكثر، الإحصائيات بتقول إنه نسبة مستخدمين تيك توك تراجعت بنسبة 1.9% بالفترة من شهر أكتوبر سنة 2024 وحتى شهر يناير 2025 حسب احصائيات DATAREPORTAL، وكله بسبب المنافسة القوية مع بقية التطبيقات بموضوع الريلزات.

اقرأ أيضًا:

استراتيجيات صناعة محتوى جذاب للسوشال ميديا

أهم 5 أنواع المحتوى على السوشال ميديا

المؤثرين والتسويق في الأردن

الخلاصة 

استخدام مواقع التواصل الاجتماعي في الأردن متفاوت كتير، كل فترة وفترة بنلاحظ إدمان الناس على تطبيق معين وبتركو غيرو، لكن أكيد ما في هجرة كاملة لأي تطبيق حتى الوقت الحالي، صح بقولوا ماسنجر تطبيق منسي بس أكيد ما بطلنا نستخدمو نهائيًا، لكن نصيحة استخدم التطبيق الي بجبلك الفائدة مش بس للتسلية، حتى نكون شعب واعي ونسخر النت والسوشيال ميديا لمصلحتنا، لو تسمع النصيحة تواصل معنا بشركتنا الخطوة حتى نحكيلك كيف تستخدمو لمصلحتك.

أسئلة شائعة

في قيود على استعمالنا لوسائل التواصل الاجتماعي بالأردن؟
عامةً الأردن فاتحة المجال لحرية الاستخدام لوسائل التواصل لكن لازم تلتزم بقوانين الجرائم الإلكترونية، وتنتبه ما تنشر شائعة ولا تمس بالقيم والأخلاق العامة.

شو أفضل الأوقات للنشر على مواقع التواصل الاجتماعي في الأردن؟
من الساعة 8 الصبح للساعة 10 وبنعتبرو وقت الذروة، وكمان وقت الغدا من ال12 الظهر للساعة 2 الظهر، وممكن تنشر كمان الساعة 7 المسا حتى 11 بليل من أوقات الذروة، ولا تنسى عطلة نهاية الأسبوع.

شو التحديات اللي بتواجهني كمستخدم سوشيال ميديا في الأردن!؟
لازم تعمل توازن بين حياتك الرقمية والواقعي، وتبعد عن الشائعات والأخبار الكاذبة، وحافظ قدر الإمكان على الخصوصية والأمان الرقمي حتى تكون بالسيف سايد.

شو دور المؤثرين بالأردن عبر مواقع التواصل الاجتماعي؟
بتركو بصمة واضحة في الترويج لمنتجاتك وخدماتك على طريقتهم الخاصة، كمان بحققوا لك عائد تسويقي مميز إذا تعاونت معهم شركتك وبإمكانك تتواصل مع الخطوة عشان هيك، ولكن ما بننسى دورهم في التوعية وتوصيل رسائل معينة وتقديم محتوى إبداعي.