الفرق بين التسويق بالمحتوى وتسويق المؤثرين
إذا كنت صاحب بزنس أو براند وبتفكر كيف توصل لجمهورك أكيد سمعت عن التسويق بالمحتوى وتسويق المؤثرين. بس إيش الفرق بينهم؟ وإيش الأفضل لإلك؟ بهالمقال من الخطوة رح نحكي عن الفرق بين التسويق بالمحتوى وتسويق المؤثرين بطريقة بسيطة وسلسة ونورجيك كيف موقع الخطوة بيساعدك تختار الطريق الصح.
التسويق بالمحتوى
لتعرف الفرق بين التسويق بالمحتوى وتسويق المؤثرين لازم تفهم إنو التسويق بالمحتوى هو أسلوب ذكي لعرض البراند تبعك بدون ما تحكي اشتري مني بشكل مباشر. فكر فيه كأنك بتحكي مع العميل بتعطيه معلومة مفيدة أو نصيحة عملية أو حتى قصة بتشبك مع مشكلته… وكل هاذ بيخلي الناس تثق فيك أكتر وأكتر. التسويق بالمحتوى مش بس كتابة منشورات هو إستراتيجية متكاملة بتحكي فيها عن شغلك بطريقة بتشد بدون ما تكون إعلانات تقليدية. وهو فعال بشكل كبير لبناء علاقة طويلة الأمد مع جمهورك.
أهم أنواع التسويق بالمحتوى
- المقالات والمدونات: زي هاي المقالة! بتساعد جمهورك يفهم أكتر عن المنتج أو السوق.
- الفيديوهات: محتوى بصري بيشد وبيوصل الفكرة أسرع خاصة على تيك توك وإنستغرام.
- الإنفوجرافيك: تصميمات بتوضح المعلومة بشكل سريع وسهل الهضم.
- البودكاست: إذا كنت بتستهدف جمهور بحب يسمع بدل ما يقرأ.
- النشرات البريدية: محتوى بتوصله للإيميل بشكل دوري لجذب الانتباه وتحفيز التفاعل.
فوائد التسويق بالمحتوى
- ببني ثقة قوية بينك وبين جمهورك: لما تقدم محتوى مفيد بدون ما تطلب إشي بالمقابل الناس بتبلش تثق فيك وتشوفك مصدر موثوق. ومع الوقت هاي الثقة بتتحول لولاء وشراء.
- بيثبت البراند تبعك كخبير بالمجال: كل مرة بتنشر فيها مقالة أو فيديو مفيد عم تثبت حالك إنك فاهم بالسوق. وهيك جمهورك بصير يشوفك كمرجع أول لما بدو معلومات أو حلول.
- بجيب عملاء فعليين مهتمين بخدمتك: التسويق بالمحتوى مش بس جذب أي حدا هو جذب العميل الصح. العميل اللي بقرأ أو بشوف محتواك لأنه مهتم وغالبًا ناوي يشتري إذا لقى اللي بدو ياه.
- بيرفع ترتيب موقعك بمحركات البحث (SEO): كل محتوى جديد بتنشره على موقعك بيعطي فرصة أكبر تظهر بجوجل وهاد بزيد من عدد الزيارات الطبيعية بدون ما تدفع على كل نقرة.
- بقلل تكلفة التسويق على المدى الطويل: بدل ما تدفع دايمًا على إعلانات المحتوى الجيد بيضل يجيب نتائج حتى بعد أسابيع أو شهور من نشره فبيصير عندك مصدر مستمر للزيارات والعملاء.
- بخليك دايمًا حاضر ببال جمهورك: لما تنشر محتوى بشكل منتظم جمهورك بضل يشوفك عالسوشال ميديا أو بالموقع وهيك ما بنساك بسهولة وبفكرك أول ما يحتاج خدمتك.
- بدعم كل قنوات التسويق الثانية: المحتوى الجيد بتقدر تعيد استخدامه بالإعلانات أو تنشره مع المؤثرين أو تعمله فيديو أو بودكاست… يعني استثمار واحد بيفيدك بأكتر من طريقة.
تسويق المؤثرين
تسويق المؤثرين هو واحد من أقوى الأساليب اللي بتخلي البراند يوصل للناس بطريقة سريعة وطبيعية. الفكرة بسيطة: بتتعاون مع شخص عنده جمهور كبير أو محدد وبتخليه يروج لمنتجك أو خدمتك بطريقته الخاصة وكأنه بيحكي لمتابعينه عن إشي هو شخصيًا بيستخدمه أو بنصح فيه.
الناس عادة بتوثق بالمؤثرين أكتر من الإعلانات المباشرة لأن العلاقة بينهم وبين جمهورهم مبنية على تفاعل ومصداقية فالكلام اللي بيحكوه بيوصل بشكل أصدق. وإذا بدك توصل حملتك لأشخاص فعليًا مهتمين الخطوة بتساعدك تلاقي المؤثر المناسب حسب مجالك وتحط خطة تسويق مؤثرين متكاملة من الألف للياء وهاذ الي بخليك تعرف الفرق بين التسويق بالمحتوى وتسويق المؤثرين .
فوائد تسويق المؤثرين
- وصول سريع لشريحة محددة من الجمهور: المؤثر عنده متابعين بيشاركوه نفس الاهتمامات فبمجرد ما يحكي عن منتجك بتوصل لجمهور جاهز يسمع ويفكر يشتري.
- زيادة المصداقية والثقة بالبراند: لما الناس تسمع رأي المؤثر بمنتجك بيشوفوه كأنه تجربة حقيقية مش إعلان مدفوع وهاذ بعزز الثقة بالبراند تبعك بشكل فوري.
- بيع مباشر وتحفيز سريع للشراء: كتير من حملات تسويق المؤثرين بتأدي لزيادة ملحوظة بالمبيعات خاصة إذا كانت مع مؤثرين بيعرفوا يحكوا عن المنتج بشكل جذاب ومقنع.
- محتوى إبداعي وجاهز للنشر: المؤثرين بعرفوا يقدموا المحتوى بأسلوبهم الخاص وهاد المحتوى تقدر تستخدمه بحملاتك التانية كمان زي الإعلانات أو حسابك الشخصي.
- تعزيز الحضور الرقمي على المنصات: سواء على إنستغرام أو تيك توك أو سناب شات أو يوتيوب وجودك على صفحات المؤثرين بزيد من الوعي بالبراند وبيفتح لك جمهور جديد.
- نتائج قابلة للقياس والتحسين: من خلال المتابعة والتحليل بتقدر تقيس أداء كل مؤثر وتشوف مين جاب أفضل نتائج وتبني عليه بحملاتك الجاية.
إيش الفرق بين التسويق بالمحتوى وتسويق المؤثرين؟
التسويق بالمحتوى وتسويق المؤثرين هم من أهم أدوات التسويق الرقمي حالياً وكل وحدة إلها أسلوبها وتأثيرها المختلف حسب أهدافك كصاحب بزنس أو براند.
الهدف من كل نوع
لما نحكي عن التسويق بالمحتوى إحنا بنحكي عن بناء علاقة طويلة الأمد مع العميل. يعني مش بس إنك تبيع بل إنك تصير مرجع موثوق للجمهور بحيث كل مرة بواجهوا فيها مشكلة أو بدهم معلومة يتذكروا براندك. هاي الطريقة بتزرع الثقة شوي شوي وبتخلي العميل يتعلق بمحتواك مش بس بمنتجك. أما تسويق المؤثرين فهدفه أسرع وأوضح: توصل لجمهور معين من خلال شخص بثقوا فيه وتخلي هذا الشخص يحكي عن منتجك وكأنه جزء من حياته. الحملة هون بتكون مركزة أكثر على البيع أو الانتشار السريع مش على بناء علاقة طويلة.
أسلوب التقديم
التسويق بالمحتوى بيعتمد على إنك إنت اللي تنتج وتحكي سواء من خلال مقال أو فيديو أو بودكاست أو منشور سوشال ميديا. يعني نبرة صوت البراند واضحة وثابتة والمحتوى بينبني على استراتيجية مدروسة بتعكس شخصية البزنس تبعك. أما تسويق المؤثرين فالمؤثر هو اللي بيقدم الرسالة بطريقته وبالأسلوب اللي متابعينه متعودين عليه. ما بتتحكم بالتفاصيل زي ما بتتحكم بمحتواك بس بالمقابل بتحصل على محتوى طبيعي وعفوي ممكن يوصل بشكل أصدق.
سرعة النتائج
إذا بدك نتائج سريعة فـ تسويق المؤثرين هو الخيار الأسرع. الحملة ممكن تشتغل بيوم أو يومين وتشوف تفاعل ومبيعات خلال أسبوع. وهاد مفيد جدًا لحملات إطلاق المنتجات أو العروض المحدودة. بينما التسويق بالمحتوى بده وقت. بدك تنشر محتوى باستمرار وتبني جمهور يتابعك عشان المحتوى نفسه. النتائج ما بتظهر فورًا لكنها بتستمر على المدى الطويل وبتكون أساس قوي لأي حملة مستقبلية.
نوع العلاقة مع الجمهور
في التسويق بالمحتوى العلاقة بينك وبين الجمهور مباشرة وبتتشكل من خلال المحتوى اللي بتقدمه كل يوم. الناس بتشوفك كخبير وبتربط البراند تبعك بالفائدة والجودة والمعلومة الصح. بينما في تسويق المؤثرين العلاقة غير مباشرة. الناس بتوثق بالمؤثر ولما هو يحكي عنك بينقل هاي الثقة لمنتجك. العلاقة مبنية على الثقة الجاهزة اللي المؤثر تعب سنين ليبنيها مع جمهوره.
التكلفة وطبيعة الاستثمار
التسويق بالمحتوى ممكن يكلفك أقل إذا بتنتجه داخليًا أو بتشتغل مع فريق محتوى لفترة طويلة. وميزة المحتوى إنه قابل لإعادة الاستخدام: تنشره عالسوشال تعمله إعلان تحوله لفيديو وهكذا. أما تسويق المؤثرين فبيحتاج ميزانية واضحة خصوصًا إذا كان المؤثر كبير ومشهور. بس بنفس الوقت النتايج ممكن تكون أسرع وبتشوف مردود مباشر إذا تم اختيار المؤثر المناسب لحملتك.
إيش تختار التسويق بالمحتوى أو تسويق المؤثرين؟
الاختيار بين التسويق بالمحتوى وتسويق المؤثرين مش دايمًا سهل لأن كل طريقة إلها ميزاتها حسب أهدافك وطبيعة البراند تبعك. إذا بدك تبني حضور قوي ومستمر على الإنترنت التسويق بالمحتوى خيار ممتاز لأنه بيعزز ثقة الجمهور وبيعطيهم معلومات قيمة على المدى الطويل. أما إذا بدك توصل لجمهور محدد بسرعة وتحقق انتشار كبير تسويق المؤثرين هو الحل الأمثل لأنه بيعتمد على مصداقية المؤثر وجمهوره المتفاعل.
الخطوة بتلعب دور مهم جدًا بحيث بتساعدك تلاقي المؤثر الصح اللي بيناسب براندك وطبيعة السوق تبعك. مش كل مؤثر بيناسب كل شركة وهون بيجي شغل الخطوة في اختيار المؤثر المناسب ليزيد من فرص نجاح حملتك في تسويق المؤثرين. يعني حتى لو كنت قررت تعتمد على تسويق المؤثرين الخطوة بتسهل عليك العملية وبتضمن إنك تتعاون مع المؤثر المناسب.
خلاصة الكلام
سواء اخترت تسويق بالمحتوى أو تسويق مؤثرين المهم إنك تشتغل بخطة واضحة وتفهم جمهورك. ومع الخطوة كل إشي بصير أسهل وأذكى وبتضمن توصل للناس اللي عنجد بتهمك بأفضل طريقة ممكنة. لا تنسى الفرق بين التسويق بالمحتوى وتسويق المؤثرين ممكن يكون كبير بس القرار الصح رح يفرق بنتيجة حملتك.
اقرأ أيضا:
الفرق بين تسويق البريد الإلكتروني وتسويق المؤثرين
الفرق بين التسويق الإعلاني وتسويق المؤثرين
اسئلة شائعة
إيش الفرق بين التسويق بالمحتوى وتسويق المؤثرين؟
التسويق بالمحتوى بيعطي معلومات وقيمة للجمهور وتسويق المؤثرين بيعتمد على ناس مشهورة تروجلك.
إيش يعني التسويق عبر المؤثرين؟
إنك تخلي مؤثر يروج لمنتجك قدام متابعينه.
أيهم أفضل: التسويق بالمحتوى أو تسويق المؤثرين؟
كل واحد إله وقت ومكان. الأفضل تجمع بينهم حسب هدفك.