عمرك سألت حالك إيش الأفضل للبزنس تاعك؟ إعلان مدفوع يوصل بسرعة ولا مؤثر يحكي عنك بثقة؟ الفرق بين التسويق الإعلاني وتسويق المؤثرين مش بس بالأداة بل كمان بطريقة التأثير ونتايجه على المدى الطويل. بهالمقال من موقع الخطوة رح نكشفلك كل الفروقات لتختار الأسلوب الصح اللي يخدم هدفك.

التسويق الإعلاني

التسويق الإعلاني هو الطريقة التقليدية والمباشرة اللي بتستعملها الشركات لتوصيل رسالتها الإعلانية من خلال منصات معروفة زي التلفزيون أو الراديو أو الجرائد أو اللوحات أو حتى الإعلانات الرقمية المدفوعة على السوشيال ميديا ومحركات البحث. الهدف الرئيسي من التسويق الإعلاني إنه يوصل المعلومة بسرعة لجمهور واسع خلال فترة قصيرة.

ولما نحكي عن الفرق بين التسويق الإعلاني وتسويق المؤثرين بنلاحظ إن الإعلان التقليدي بيشتغل بشكل رسمي ومباشر بدون الاعتماد على شخصية معينة لتمثيل العلامة التجارية. وهون بيكون التركيز على الكم مش الكيف.

مزايا التسويق الإعلاني

1. وصول سريع وكبير: بتقدر توصل جمهور ضخم بفترة قصيرة، خاصة بالإعلانات التلفزيونية والراديو.
2. سيطرة كاملة: انت بتتحكم بالرسالة، النص، الصور، والتوقيت.
3. تناسب العلامات الكبيرة: الشركات الضخمة اللي بدها تنتشر بشكل واسع بتستفيد منه بشكل كبير.
4. يعطي انطباع رسمي: بيخلي علامتك التجارية تبين قوية وراسخة.
5. يناسب الجمهور الأكبر سنّاً: خصوصاً الناس اللي ما بتابعوا السوشيال ميديا بشكل يومي.

عيوب التسويق الإعلاني

1. تكلفته عالية: إنتاج إعلان تلفزيوني أو حملة مطبوعة بيحتاج ميزانية كبيرة.
2. تفاعل منخفض: الإعلان بيكون باتجاه واحد، فالجمهور مش دايماً بيتفاعل أو بيشارك.
3. صعوبة بالاستهداف: مرات الإعلانات بتوصل لناس مش مهتمة أصلاً بخدماتك أو منتجك.
4. قياس الأداء مش دقيق: بتقدر تقيس المشاهدات والنقرات ولكن صعب تعرف إذا الإعلان فعلاً جاب نتيجة إلا بعد ما تصير المبيعات أو الاستبيانات.
5. أقل تأثير من حيث الثقة: الناس صارت أذكى، وبتعرف متى الإعلان يكون مدفوع فبتتردد بالثقة فيه.

تسويق المؤثرين

تسويق المؤثرين هو أسلوب حديث بالتسويق، بيعتمد على ناس إلهم جمهور بيتابعهم وبيثق فيهم مثل الإنفلونسرز على إنستغرام وتيك توك ويوتيوب وغيرها. هذول الأشخاص بيقدموا المحتوى بشكل طبيعي كأنهم بيحكوا عن تجربة شخصية وهاذ الإشي بيخلي الناس تصدقهم وتتأثر بكلامهم.

لما نقارن بين الفرق بين التسويق الإعلاني وتسويق المؤثرين بنشوف إنه تسويق المؤثرين أكتر إنسانية وأقرب للناس لأنه الرسالة بتوصل من شخص موثوق مش من شركة مباشرة. كمان فيه نوع من التفاعل والتواصل اللي ما بتلاقيه بالإعلانات التقليدية.

مزايا تسويق المؤثرين

1. ثقة عالية: الناس بتوثق بكلام المؤثر لأنه بيحكوا عن تجربة حقيقية.
2. تفاعل قوي: المتابعين بردوا وبيسألوا وبيتفاعلوا مع المحتوى.
3. استهداف دقيق: فيك تختار مؤثر جمهوره بيهتم بمنتجك أو خدمتك.
4. نتائج ملموسة: مرات حملة واحدة مع مؤثر ممكن تجيب مبيعات أكثر من إعلان تقليدي.
5. أقل تكلفة (أحيانًا): ممكن تبدأ بحملة صغيرة مع مؤثر نانو أو مايكرو بدون ما تكسر الميزانية.
6. محتوى دائم: المحتوى اللي بنشره المؤثر ممكن يضل فترة طويلة ويجيب تفاعل مستمر.

عيوب تسويق المؤثرين

1. صعب تلاقي المؤثر المناسب: بدك وقت لتدور على حدا مناسب لعلامتك وجمهورك إذا ما تعاملت مع شركة مختصة.
2. مخاطرة بالمصداقية: إذا المؤثر ما كان صادق أو عنده مشاكل سابقة ممكن يضر سمعتك.
3. نتائج غير مضمونة: مش كل حملة رح تنجح خصوصًا إذا ما كان فيه انسجام بين المؤثر والمنتج.
4. إدارة الحملات معقدة: التعامل مع أكثر من مؤثر بنفس الوقت ممكن يكون مرهق ويتطلب متابعة مستمرة.

الفرق بين التسويق الإعلاني وتسويق المؤثرين

بالتسويق الحديث الشركات عندها خيارين أساسيين لتوصل رسالتها للجمهور: يا إما التسويق الإعلاني الكلاسيكي اللي بنشوفه على التلفزيون والجرائد والسوشيال ميديا أو تسويق المؤثرين اللي بيعتمد على أشخاص عندهم قاعدة جماهيرية كبيرة وبيأثروا على قرارات الناس.

وإذا بدنا نحكي بوضوح عن الفرق بين التسويق الإعلاني وتسويق المؤثرين فلازم نعرف إن كل واحد فيهم إله طريقة وتأثير ونتائج مختلفة. خلينا نغوص بتفاصيل كل واحد منهم.

طريقة الوصول للجمهور

بالتسويق الإعلاني الإعلان بيوصل لجمهور عام من خلال قنوات كبيرة مثل التلفزيون أو فيسبوك Ads بدون ما يكون فيه معرفة دقيقة باهتماماتهم. أما بتسويق المؤثرين فالوصول بيكون لجمهور محدد جدًا بيتابع المؤثر عشان محتواه وغالبًا بيكون مهتم بنفس المجال اللي بتحكي فيه العلامة التجارية.

التفاعل والثقة

الفرق بين التسويق الإعلاني وتسويق المؤثرين بيظهر بشكل كبير هون. الإعلانات العادية عادة بتكون من طرف واحد. الناس بتشوفها ويمكن تتجاهلها. بينما المؤثرين عندهم تفاعل مباشر مع جمهورهم والناس بتوثق في رأيهم خصوصًا إذا كان نابع من تجربة شخصية حقيقية.

التكلفة والميزانية

الإعلانات التقليدية بتطلب ميزانية ضخمة خاصة لما تحكي عن حملات على التلفزيون أو الطرق. أما تسويق المؤثرين ممكن تبدأ بحملات صغيرة مع مؤثرين نانو أو مايكرو وبميزانية بسيطة تجيب نتائج ممتازة وهاد فرق مهم بين التسويق الإعلاني وتسويق المؤثرين.

قياس النتائج

بالتسويق الإعلاني قياس النتائج مرات بيكون صعب خصوصًا بالإعلانات الورقية أو الإذاعية وما بتقدر تحدد كم شخص فعلياً تفاعل مع الإعلان. بس مع تسويق المؤثرين، الموضوع أوضح وأسهل. بتشوف عدد المشاهدات، التعليقات، التفاعل وحتى التحويلات بشكل مباشر.

التأثير على المدى الطويل

التسويق الإعلاني بيعطي دفعة قوية وسريعة بس تأثيره عادة بيكون مؤقت ومرتبط بمدة الحملة. أما تسويق المؤثرين، فبخلق علاقة مستمرة مع الجمهور من خلال محتوى متجدد وشخص موثوق. وهون الفرق بين التسويق الإعلاني وتسويق المؤثرين إن الثاني بيترك أثر أطول وارتباط أعمق بالبراند.

أي واحد أنسب لإلك؟

الاختيار بين التسويق الإعلاني وتسويق المؤثرين مش قرار عشوائي بل لازم يكون مبني على أهدافك كبراند وميزانيتك والجمهور اللي بدك توصله. إذا كان هدفك وعي سريع وانتشار واسع ومعك ميزانية محترمة فالتسويق الإعلاني ممكن يخدمك بشكل ممتاز. بس إذا كنت بدك تبني علاقة ثقة حقيقية وتستهدف جمهور محدد بطريقة طبيعية وأقرب للقلب فتسويق المؤثرين هو الخيار الأذكى.

وهون بيجي دور موقع الخطوة اللي بسهل عليك الطريق من دون ما تلف كتير. المنصة بتساعد البراندات يلاقوا المؤثر الصح بناء على المجال والجمهور والأهداف التسويقية. بدل ما تضيع وقتك تبحث وتتواصل مع العشرات الخطوة بتوفر عليك كل هالجهد وبتربطك مع المؤثرين المناسبين لحملتك بطريقة ذكية ومنظمة تضمنلك نتائج فعلية ومقنعة.

تواصل معنا

خلاصة الكلام

في نهاية المطاف سواء كنت بدك توصل صوتك بسرعة أو تبني علاقة طويلة مع جمهورك لازم تعرف الفرق بين التسويق الإعلاني وتسويق المؤثرين وتختار الأنسب حسب هدفك. وإذا محتار موقع الخطوة جاهز يرافقك بخطوتك الجاية ويساعدك تطلق حملتك الصح مع المؤثر الصح.

اقرأ أيضا:

التسويق الذكي وكيف تسوق بذكاء

أهمية تسويق المؤثرين للجمهور الأردني

افضل تسويق – ضاعف عملائك واحصل على عملاء جدد

اسئلة شائعة

إيش التسويق الإعلاني وتسويق المؤثرين؟

المؤثر هو شخص عنده جمهور بيتابعه وبيثق فيه بيشارك تجربته مع المنتج بشكل طبيعي أما الإعلان هو رسالة مدفوعة من الشركة مباشرة بدون شخصية وسيطة.

كيف بيختلف تسويق المؤثر عن الإعلانات التقليدية؟

تسويق المؤثر بيعتمد على بناء ثقة وتفاعل مع الجمهور من خلال شخص مؤثر بينما الإعلانات التقليدية بتوصل رسالة مباشرة وبشكل رسمي بدون تواصل شخصي.

أي الخيارين تختار التسويق الإعلاني أو تسويق المؤثرين؟

لو بدك انتشار سريع لجمهور واسع وميزانية كبيرة اختار التسويق الإعلاني. أما إذا هدفك بناء علاقة وثقة مع جمهور محدد، تسويق المؤثرين هو الأنسب.