مش كل إعلان بنشوفه بيأثر فينا صح؟ عشان هيك التسويق الإعلاني اتطور وصار يعتمد على المحتوى الحقيقي اللي يوصل القلب قبل الجيب. بس لما هالمحتوى يطلع من فم مؤثر الناس بتوثق فيه؟ هون بصير الضربة القاضية لأي حملة! خليك معنا وشوف ليش هالثنائية هي مفتاح النجاح وكيف موقع الخطوة بيساعدك تلاقي المؤثر الصح وتوصل لجمهورك بأقوى طريقة.

إيش يعني تسويق إعلاني؟

التسويق الإعلاني هو ببساطة لما تدفع مصاري عشان إعلانك يطلع قدام الناس بأكبر عدد ممكن من الطرق والمناسبات. يعني الشركات أو البراندات بتروح على منصات مثل Google أو فيسبوك أو إنستغرام وبتقولهم: “يا جماعة هاي الميزانية ورجولي إعلاني قد ما بتقدرو وبالوقت الصح وللناس الصح!”.
هاي الطريقة بتخليك توصل لجمهور مستهدف سواء كان بدك توصل لمحبين الموضة أو المهتمين بالتكنولوجيا أو حتى الناس اللي بدوروا على أماكن سياحية. أما الأدوات اللي بتستخدمها المنصات هاي متنوعة وكثيرة منها:

1. إعلانات الدفع بالنقرة (PPC): يعني بتدفع بس لما حدا يكبس على إعلانك.
2. إعلانات البانر: هاي اللي بنشوفها متوزعة فوق وتحت وعلى الجوانب بمواقع الإنترنت.
3. إعلانات الفيديو: زي الفيديوهات القصيرة اللي بتطلع قبل أو بنص فيديوهات يوتيوب.
4. إعلانات البحث: وهاي لما تكتب كلمة على Google ويطلعلك إعلان بالأول قبل النتائج العادية.

وهيك الإعلان بيوصل للناس اللي ممكن يهتموا بالمنتج أو الخدمة اللي بتقدمها. بس السؤال اللي لازم نسأله: هل الإعلان فعلاً بيترك أثر؟ وهل الناس عم تتفاعل معه زي ما بدنا؟ هون بنبدأ نحكي عن التحدي الحقيقي وندور على حلول أذكى.

مشاكل وعيوب التسويق الإعلاني

رغم إنه التسويق الإعلاني شكله مغري وبوعد بنتائج سريعة بس الحقيقة إنه فيه كتير مشاكل لازم نحكي عنها خصوصا إذا البزنس بدو يفكر بنتائج طويلة الأمد مش بس أرقام وقتية. ومن أبرز هاي العيوب:

1. التكلفة العالية: الإعلانات المدفوعة مش ببلاش وكل نقرة أو ظهور ممكن يكلفك دينار ورا دينار خصوصاً بالمجالات التنافسية. وأحياناً الميزانية بتخلص قبل ما تشوف أي نتيجة حقيقية.
2. تجاهل المستخدمين للإعلانات: أغلب الناس صارت مفلترة الإعلانات بعيونها وبتمر عنهم مرور الكرام. يعني مهما دفعت في احتمال كبير إنهم يتجاهلوا الإعلان لأنهم تعودوا عليه.
3. أدوات حظر الإعلانات (Ad Blockers): كتير مستخدمين بستخدموا إضافات تمنع ظهور الإعلانات نهائياً خصوصاً على المتصفحات. وهالشي بخلي حملتك تختفي من قدام جزء كبير من جمهورك المحتمل.
4. الإعلانات بتعطي شعور بالتكرار التجاري: لما يشوف المستخدم إعلانك أكتر من مرة بدل ما يقتنع ممكن يحس بالإزعاج أو إنك بس بدك تبيعه بأي طريقة فبتنقلب الأمور ضدك.
5. قلة التفاعل الحقيقي: الإعلان التقليدي ما ببني علاقة هو بس مرسال سريع. يعني فيه ظهور بس التفاعل ممكن يكون بارد أو سطحي خصوصاً إذا المحتوى مش جذاب أو مش موجه صح.
6. النتائج قصيرة الأمد: أول ما توقف الدفع الإعلانات بتختفي ومعها كل الأرقام اللي كنت مبسوط فيها. ما في استدامة أو أثر طويل المدى إذا ما كان في استراتيجية محتوى داعمة.

الفرق بين التسويق الإعلاني والتسويق عبر المؤثرين

الفرق بين النوعين مش بس بطريقة العرض بل كمان بالتأثير على الجمهور وطبيعة التواصل معهم. خلينا نوضح الفرق بشكل مبسط:

التسويق الإعلاني

1. بيعتمد على الدفع المباشر لمنصات زي Google Ads أو Facebook Ads وغيره.
2. الإعلان بيظهر فجأة وغالباً بيكون واضح إنه مدفوع.
3. الناس صارت تتجاهله بسهولة خصوصاً مع أدوات حظر الإعلانات.
4. التواصل فيه غالباً بكون من طرف واحد بدون تفاعل حقيقي.

التسويق عن طريق المؤثرين

1. بيعتمد على العلاقة القوية بين المؤثر وجمهوره.
2. المنتج أو الخدمة بيتم الترويج إلها بطريقة طبيعية ضمن محتوى المؤثر.
3. المتابعين بيشوفوا الإعلان كنصيحة من شخص بيوثقوا فيه.
4. فيه تفاعل وتعليقات وأسئلة يعني فيه حياة مش بس إعلان.

الفرق الجوهري هو إنو التسويق الإعلاني بيوصل بسرعة بس ممكن ما يترك أثر. أما التسويق عبر المؤثرين بيوصل للقلب قبل الجيب لأنه بيكون من شخص حقيقي لجمهور حقيقي. وهون بيجي دور موقع الخطوة اللي بيساعد البراندات تلاقـي المؤثر المناسب تماماً لجمهورها المستهدف ويخلق شراكات بتترك أثر حقيقي ونتائج ملموسة.

تواصل معنا

التسويق عن طريق المؤثرين هو البديل الأقوى للتسويق الإعلاني

التسويق عن طريق المؤثرين هو البديل الأقوى والمكمل الحقيقي للتسويق الإعلاني لأنو ببساطة بيلعب على وتر الثقة والعلاقة الشخصية بين المؤثر وجمهوره. اليوم الناس ما عادوا يثقوا بسهولة بأي إعلان بيطلع لهم بس لما المؤثر اللي بتابعوه من سنين ويحبوه يحكي عن منتج أو خدمة هون الموضوع بياخد منحى مختلف تماماً. ليش هو بديل أقوى؟ خليني أفرجيك:

1. تكلفته غالباً أقل: بدل ما تصرف آلاف على إعلانات مدفوعة ما تضمن مين يشوفها. المؤثر ممكن يوصلك لفئة مستهدفة حقيقية وبسعر أفضل.
2. وصول حقيقي لجمهور مهتم: كل مؤثر عنده نيتش خاص سواء بمجال الجمال، الرياضة، الأمومة، التكنولوجيا وهاذ بساعد البراند يوصل لجمهور جاهز يسمع.
3. ثقة وتفاعل أعلى: المحتوى اللي بيطلع من المؤثر بيكون جزء من حياته اليومية. وهاي الطريقة بتحسس المتابع إنه نصيحة مش إعلان.
4. نتائج طويلة الأمد: الإعلان بينتهي بانتهاء الدفع بس فيديو أو بوست من مؤثر ممكن يضل مأرشف ويشتغل لحاله مع الوقت.
5. إبداع وأسلوب شخصي: المؤثر بعرف يحكي بطريقته بأسلوبه بصوته وهالشي بيخلي الإعلان طبيعي مش مصطنع.

وعشان توصل للمؤثر المناسب وتختصر الطريق موقع الخطوة هو الوسيط الأذكى بيوصل البراند مع المؤثر الصح وبساهم ببناء تعاون حقيقي وناجح للطرفين.

تواصل معنا

ليش المؤثرين خلوا الإعلان أذكى؟

المؤثرين اليوم صاروا جزء أساسي من عالم التسويق الإعلاني وخلوا الإعلان أذكى وأقوى من أي وقت مضى. بدل ما يكون الإعلان مجرد ترويج مباشر! المؤثرين عرفوا كيف يوصلوا الرسالة بطريقة أكثر طبيعية وجاذبية ويخلقوا محتوى يتفاعل مع الجمهور بشكل صادق وواقعي. خليني احكيلك كيف المؤثرين قدموا نموذج جديد للإعلان والتسويق الذكي اللي بيبني ثقة ويحقق نتائج فعالة.

1. التفاعل الطبيعي مع الجمهور: المؤثرين بيوصلوا رسالتهم بطريقة صادقة بحيث المتابع بيحس إنه عم يسمع نصيحة من شخص موثوق مش إعلان عادي.
2. الإبداع في المحتوى: المؤثرين بيخلقوا محتوى جذاب وممتع بطرق مبتكرة زي القصص والفيديوهات وهاي الطريقة بتخلي الإعلان جزء من تجربة ممتعة.
3. تركيز على القيمة: بدل ما يكون الإعلان مجرد تقديم للمنتج. المؤثرين بيقدموا محتوى مفيد وجذاب زي النصائح والتجارب الحياتية وهاي الطريقة بتبني ثقة أكبر مع المتابعين.
4. بناء الثقة والولاء: علاقة المؤثر القوية مع جمهوره بتساعد في بناء ثقة قوية وهاي الثقة بتخلي المتابعين أكتر استعداداً لتجربة المنتجات اللي بيعلن عنها.
5. التخصص والتركيز: كل مؤثر عنده جمهور معين مهتم بمجال محدد وهاي النقطة بتزيد فرص نجاح الإعلان لأنه موجه بشكل دقيق للفئة الصحيحة.
6. التفاعل الفوري: المؤثرين بيقدروا يقيسوا نتائج حملاتهم بسرعة من خلال التفاعل المباشر مع جمهورهم وهاي الطريقة بتساعد في تحسين الحملة بشكل مستمر.

خلاصة الكلام

باختصار التسويق الإعلاني اليوم ما عاد يعتمد بس على صورة حلوة أو إعلان مدفوع صار بده قصة ومحتوى وشخص يوصل الرسالة بثقة. المؤثرين غيروا اللعبة وخلوا الإعلان أذكى وأقرب للقلب. وإذا كنت براند أو صانع محتوى وبدك توصل للنتيجة الصح موقع الخطوة هو المكان اللي بيجمع الناس الصح وبساعدك تطلع بحملة تسويقية ما تنتسى.

اقرأ أيضا:

التسويق عن طريق المؤثرين بديل الحملات التسويقية المكلفة

افضل شركات التسويق الالكتروني في الأردن

اهمية التسويق عبر المؤثرين

اسئلة شائعة

إيش يعني إعلان بالتسويق؟

الإعلان هو وسيلة من وسائل التسويق بنستخدمه لنوصل رسالة أو نروج لمنتج أو خدمة لجمهور معين.

شو هو التسويق الإعلاني؟

التسويق الإعلاني هو استخدام الإعلانات المدفوعة زي إعلانات السوشال ميديا أو إعلانات جوجل أو التلفزيون حتى يوصل البراند لجمهور أكبر وتزيد المبيعات.

شو الفرق بين التسويق والإعلان؟

التسويق مفهوم شامل بيضم الإعلان كجزء منه وبيغطي كمان أبحاث السوق والتسعير والتوزيع والعلاقات مع العملاء.

قديش أرباح التسويق؟

أرباح التسويق بتختلف حسب نوع النشاط وحجم الحملة بس الشركات اللي بتسوق صح ممكن تضاعف أرباحها بشكل كبير خصوصاً إذا استخدمت أدوات زي التسويق بالمؤثرين بذكاء.