تسويق طبي بأسلوب احترافي
لما نقول تسويق طبي الموضوع مش بس صور أدوية أو إعلانات عيادات! اليوم العالم تغير والناس صارت تدور على تجارب حقيقية من ناس بتثق فيهم. وهون بيجي دور المؤثرين اللي صاروا يلعبوا دور كبير بنشر التوعية والخدمات الطبية بطريقة قريبة من القلب وسهلة الفهم. فكيف تستغل هالقوة لصالحك؟ الجواب عند الخطوة.
إيش دور المؤثرين في التسويق الطبي؟
دور المؤثرين في التسويق الطبي صار أساسي خصوصاً بهاد الزمن اللي الناس فيه بتثق بالمحتوى اللي بيجي من شخص بيشوفوه يومياً على السوشال ميديا أكتر من الإعلانات التقليدية. خليني أشرحلك دورهم بشكل واضح:
- المؤثر الشاطر بعرف كيف يحوّل معلومة طبية معقدة لفيديو خفيف أو ستوري سهل يوصل للناس. بدل ما يضل المريض يحتار بمصطلحات طبية، المؤثر بيشرحله إياها بأسلوبه.
- لما المؤثر يحكي عن منتج صحي أو تجربة مع دكتور بطريقة صادقة المتابعين بوثقوا بكلامه. هاي الثقة ممكن تخلي الناس تجرب منتج طبي أو تزور عيادة هما كانوا مترددين منها.
- في مؤثرين بستخدموا منصاتهم ليحكوا عن مواضيع مثل فحوصات دورية أو علاج مشاكل شائعة أو حتى تصحيح مفاهيم خاطئة وهاد إشي كبير بمجال التسويق الطبي لأنه بيربط التوعية مع التسويق.
- مش كل المؤثرين عندهم نفس نوع الجمهور. في مؤثرين عندهم متابعين مهتمين بالصحة أو الرياضة أو الأمومة مثلاً فهاذ بيسهل استهداف الفئة الصح من الناس.
- لو عيادة جديدة أو منتج صحي نزل السوق المؤثرين بقدروا يعملوا ضجة حواليه بفيديو أو حملة بسيطة وسرعة الانتشار على السوشال ميديا بتخلي الكل يحكي عن المنتج أو الخدمة.
وكل هالخطوات ما بتكمل بدون شريك يفهم السوق ويعرف يوصلك بالمؤثر المناسب وهون بيجي دور موقع الخطوة اللي بوفرلك ربط سهل مع مؤثرين مختصين بمجال التسويق الطبي وبساعدك تخطط لحملتك من أول فكرة لآخر لايك.
إيش أنواع المؤثرين المناسبين بمجال التسويق الطبي؟
بما إن التسويق الطبي مجال حساس فاختيار المؤثر المناسب مش خيار هو ضرورة! وكل حملة بتحتاج نوع معين من المؤثرين يوصلوا الرسالة بشكل صح وآمن. فخلينا نحكي عن أهم أنواع المؤثرين اللي بنفعوا بهذا المجال:
المؤثرين المختصين
هذول هم الوجه الأوثق بأي حملة تسويق طبي. وجودهم بالحملة مش بس بيعطي مصداقية هو كمان بيضمن إن المعلومة اللي بتوصل للجمهور دقيقة وآمنة. الناس بطبيعتها بتثق بكلام الدكتور أو الصيدلاني أكتر من أي شخص عادي وبتتعامل مع نصيحته وكأنها وصفة طبية. لما المؤثر يكون شخص مختص وبيستخدم مصطلحات بسيطة بيقدر يوصل رسالة توعوية وتسويقية بنفس الوقت وهاذ إشي قليلين اللي بيقدروا عليه.
مؤثرين نمط الحياة الصحي
هذول المؤثرين عندهم جمهور وفي ومهتم فعلياً بمواضيع الصحة اليومية مثل التغذية السليمة والرياضة والنوم والمكملات. لما يحكوا عن منتج أو خدمة طبية بيكونوا عم ينصحوا الناس بطريقة طبيعية ضمن روتينهم اليومي وهاذ بيخلي التأثير أكبر وأقرب. حملات التسويق الطبي اللي بتستهدف هاي الفئة بتكون ناجحة إذا انبنت على مصداقية وتجرِبة شخصية. الناس بدها تشوف كيف المنتج غير بحياتهم مش بس إعلانات جامدة.
الأمهات والمدونات العائليات
لما نحكي عن الأطفال أو الرعاية المنزلية ما في صوت أقوى من صوت الأم. الأمهات المدونات بيحكوا عن تجارب حقيقية وهاذ بالضبط اللي بدور عليه جمهورهم: قصص من الواقع أو توصيات من أم مرت بنفس التجربة. سواء بتحكي عن حرارة طفلها أو عن كريم استخدمته أو حتى زيارة لطبيب أطفال كلامها بيوصل للقلب قبل العقل وبيأثر بطريقة سريعة. المؤثرات بهاي الفئة مش بس بيسوقوا هم كمان بوعوا وبيخلقوا نقاشات مجتمعية مهمة.
المؤثرين العامين بس عندهم مصداقية قوية
مش كل المؤثرين لازم يكونوا من خلفية طبية في مؤثرين عامين عندهم مصداقية عالية وحضور قوي وبشاركوا تجاربهم بشكل طبيعي ومقنع. لما يحكوا عن عيادة راحوها أو منتج صحي استخدموه الناس بتنتبه لأنهم شايفين فيهم “الشخص العادي” اللي ممكن يمر بنفس تجربتهم. السر هون إنهم ما بيبالغوا ولا بيحكوا وكأنهم خبراء هما بس بيحكوا عن شيء جربوه وارتاحوا له وهاذ كفيل إنه يخلق تفاعل وانتشار.
الخطوة بتساعدك تختار من هي الفئة، المؤثرين اللي عندهم مصداقية حقيقية وبيعرفوا كيف يوصلوا تجربتهم بشكل تلقائي وقريب من القلب.
كيف تختار المؤثر الأنسب للتسويق الطبي؟
اختيار المؤثر الأنسب بمجال التسويق الطبي مش بس عدد متابعين أو شهرة هو مزيج بين الخبرة والمصداقية ونوع المحتوى اللي بيقدمه. وعلشان تكون حملتك ناجحة فعلاً لازم تركز على هالنقاط قبل ما تختار المؤثر:
- هل له علاقة مباشرة أو غير مباشرة بالمجال الطبي؟ يعني يا إنو مختص زي دكتور أو صيدلاني أو مهتم بالصحة والوعي العام. وجود خلفية طبية ولو بسيطة بزيد من مصداقيته قدام المتابعين.
- نوع جمهوره وتفاعلهم مع المحتوى: مش مهم يكون عنده مليون متابع إذا جمهوره مش مهتم بالصحة أو بالمجال الطبي. راقب التفاعل على محتواه الصحي: فيه أسئلة؟ فيه نقاش؟ ولا بس لايكات ساكتة؟
- أسلوبه بالتواصل والمحتوى: هل بيحكي بلغة بسيطة يفهمها الكل؟ ولا بيستخدم مصطلحات معقدة؟ أسلوب المؤثر لازم يكون قريب من الناس خصوصاً إذا بدك توصل رسالة طبية دقيقة.
- مصداقيته وتجربته السابقة مع الحملات: راجع حملاته الطبية السابقة إذا في وشوف كيف كانت طريقة عرضه للمنتج أو الخدمة. هل كان صادق؟ هل فيه تعليقات سلبية من المتابعين؟
- قيم المؤثر بتناسب هوية البراند؟ لازم تتأكد إن شخصية المؤثر وقيمه تتماشى مع اللي بتمثله أنت كعيادة أو شركة. لأنه أي تضارب ممكن يأثر على صورتك قدام الجمهور.
وإذا الموضوع معقد عليك؟ موقع الخطوة بسهلك المهمة! إحنا بنساعدك تختار المؤثر المناسب لحملتك الطبية حسب أهدافك وجمهورك ونوع الخدمة أو المنتج اللي بدك تسوقه.
خلاصة الكلام
وفي النهاية التسويق الطبي مش مجرد إعلان هو بناء ثقة بينك وبين الناس من خلال وجوه قريبة لقلبهم وموثوقة بعينهم. ومع اختيار المؤثر الصح رسالتك بتوصل بشكل أسرع وأقوى. وإذا بدك تبدأ حملتك الطبية بخطوة واثقة؟ موقع الخطوة هو شريكك المثالي.
اقرأ أيضا:
اسئلة شائعة
شو هو التسويق الطبي؟
التسويق الطبي هو استخدام استراتيجيات تسويقية للترويج للمنتجات والخدمات الطبية بشكل يتماشى مع معايير الصحة والأمان بهدف الوصول لأكبر عدد من الأشخاص المهتمين بالصحة.
شو معنى التسويق الطبي؟
هو عملية ترويج للمنتجات والخدمات الطبية باستخدام تقنيات واستراتيجيات تسويقية موجهة لجمهور مهتم بالصحة والعناية الطبية سواء عبر الإنترنت أو بشكل تقليدي.
كيف أسوق لمنتج طبي؟
لتسويق منتج طبي لازم تركز على بناء ثقة مع الجمهور من خلال محتوى طبي موثوق استخدام مؤثرين مختصين وتنفيذ حملات تستهدف الفئة المهتمة بالصحة.
شو بيعمل ممثل التسويق الطبي؟
ممثل التسويق الطبي مسؤول عن الترويج للمنتجات الطبية لدى الأطباء والمستشفيات والتأكد من وصول الرسالة التسويقية بشكل دقيق مع متابعة تفاعل الجمهور مع المنتج أو الخدمة.