تسويق المشاريع وفائدة المؤثرين بهذا النوع من التسويق
عندك مشروع حابب تكبرو؟ أو فكرة ناوي تطلقها وبدك الناس تعرف فيها؟ خليني أحكي لك شغلة: تسويق المشاريع اليوم ما عاد زي زمان صار يعتمد عالناس اللي إلهم تأثير وصوت مسموع. المؤثر الصح ممكن يرفع مشروعك ويخليه حديث الناس بلحظة. وإذا مش عارف من وين تبدأ الخطوة موجودة لتوصلك مع الشخص اللي يحكي عنك بالطريقة اللي مشروعك بستحقها.
ليش تسويق المشاريع مهم؟
تخيل عندك أحلى مشروع، منتجك مرتب، خدمتك ممتازة والأسعار منافسة بس ما حدا سامع فيك! هون بتيجي أهمية تسويق المشاريع. الفكرة مش بس تشتغل وتقدم إشي منيح، المهم كمان توصل صوتك للناس وتخليهم يعرفوا إنك موجود. التسويق هو الجسر اللي بيوصل مشروعك للناس. هو اللي بخلي العميل المحتمل يفهم فكرتك يثق فيك ويجرب اللي بتقدمه. بدون تسويق حتى أقوى مشروع ممكن يضيع وسط الزحمة.
وبزمن السوشال ميديا والسرعة إذا ما كنت حاضر والناس شايفينك فغيرك رح يكون. عشان هيك، لازم تحط خطة وتعرف كيف تظهر ووين ومع مين تحكي.
أنواع التسويق اللي بتفيد المشاريع الصغيرة
تسويق المشاريع مش لازم يكون إشي معقد أو مكلف. في كتير طرق بسيطة وفعالة خصوصا للمشاريع الصغيرة وكل طريقة إلها تأثيرها حسب طبيعة المشروع والجمهور. خلينا نحكي عن أهم الأنواع:
- التسويق عبر السوشال ميديا: هو الأشهر والأكتر استخدام حالياً. وجودك على إنستغرام أو فيسبوك أو تيك توك بيساعد الناس يتعرفوا على شغلك بشكل يومي.
- التسويق بالمحتوى: هون بتشارك معلومات أو أفكار مفيدة إلها علاقة بخدمتك أو منتجك وبتبني ثقة الناس فيك شوي شوي.
- التسويق من خلال المؤثرين: واحد من أقوى أنواع تسويق المشاريع خصوصا لما تختار المؤثر المناسب اللي فعلاً بيآمن بفكرة مشروعك.
- الإعلانات المدفوعة: زي إعلانات إنستغرام أو جوجل وبتفيدك لما بدك توصل لجمهور أكبر بوقت أسرع.
- التسويق الشفهي: لما العميل ينبسط من خدمتك ويحكي عنها لأصحابه هاي لحالها حملة تسويقية ببلاش!
كيف تختار الطريقة الصح لتسويق مشروعك؟
مش كل مشروع ينفع معاه نفس الأسلوب! يعني ما في خلطة سحرية بتمشي مع الكل. أول إشي لازم تعرف مين جمهورك، شو اهتماماتهم، وين بقضوا وقتهم وبأي أسلوب بحبوا يتواصلوا. لما تفهم هي الشغلات بتبدأ تحدد طريقة تسويق المشاريع اللي فعلاً بتناسبك.
بس خلينا نحكي بصراحة التسويق عن طريق المؤثرين صار واحد من أنجح الطرق خصوصا للمشاريع الجديدة أو الصغيرة. ليش؟ لأن الناس بتوثق بالمؤثرين وبتتابع شو بستخدموا وشو بنصحوا فيه. يعني لما مؤثر يحكي عن منتجك أو خدمتك بطريقته العفوية جمهوره رح يحس إنه عم ينصحهم من قلبه، مش بس إعلان مدفوع.
المهم تختار المؤثر الصح اللي جمهوره قريب من جمهورك واللي عنده أسلوب بيشبه روح مشروعك. مش المهم عدد المتابعين قد ما هو مهم التفاعل والمصداقية. الخطوة بيوفرلك مؤثرين مختارين بعناية وبربطك مع الناس اللي فعلاً بيفهموا فكرتك وبقدروا يوصلوها لجمهور مناسب فبتكون حملة تسويق المشاريع تبعتك مدروسة ومثمرة من أولها.
ليش المؤثرين مهمين في تسويق المشاريع؟
لأنهم ببساطة صوتك اللي بيوصل أسرع وأقوى. المشاريع الجديدة دايماً بتواجه صعوبة إنها تلاقي جمهورها خصوصاً إذا الميزانية محدودة والإسم مش معروف بالسوق. هون بيجي دور المؤثرين كحل ذكي وفعال.
- ثقة الجمهور فيهم عالية: الناس بتتابع المؤثر لأنها بتثق فيه وبتاخذ رأيه كأنه من صديق مقرب. فلما يحكي عن مشروعك تلقائياً الناس رح تهتم وتسمع.
- بوصلوك لجمهورك المثالي: المؤثرين عندهم متابعين من فئة معينة يعني إذا اشتغلت مع مؤثر جمهوره بيشبه عميلك المحتمل ضمنت توصل لناس ممكن تشتري فعلياً.
- بيخلقوا محتوى جذاب: المؤثر مش بس بيعلن هو بقدم محتوى بيشد الناس سواء كان فيديو أو ستوري أو حتى بوست بسيط وهذا المحتوى ممكن يعمل رواج كبير لمشروعك.
- نتائج سريعة ومنتشرة: خصوصا عالسوشيال ميديا تأثير المؤثر ممكن يبين من أول يوم. الناس بتبلش تسأل تتواصل وتجرب وهاي لحالها دفعة قوية لأي مشروع بأوله.
- أوفر من الإعلانات التقليدية: بدل ما تدفع مبلغ كبير على حملة ممكن ما تجيب نتيجة. المؤثر بيوصل رسالتك بطريقة طبيعية وأحياناً بأقل التكاليف.
ومن هون بيجي دور موقع الخطوة اللي بيساعدك تلاقي المؤثر الصح لمجالك ويربطك فيه بطريقة سهلة ومضمونة عشان تسويق مشروعك يكون من أول خطوة مدروس صح.
كيف تختار المؤثر الصح لمشروعك؟
مش أي مؤثر بينفع لمشروعك والعدد الكبير اللي بنشوفه عالسوشيال ميديا مش معناه إنهم كلهم مناسبين. الصح إنك تدور على الشخص اللي فعلياً بوصلك لجمهورك المهتم مش بس عنده متابعين.
- اعرف جمهورك بالأول: قبل ما تبحث على المؤثر اسأل حالك: مين الناس اللي بدي أوصلهم؟ شباب؟ أمهات؟ عشاق الرياضة؟ بناء على هيك بتحدد نوع المؤثر اللي بدك إياه.
- راقب المحتوى تبعه: شوف شو نوع المواضيع اللي بيحكي فيها هل بتناسب طبيعة مشروعك؟ ولا بعيد عنها؟ إذا كنت فاتح كافيه ما تروح عند مؤثر بيحكي عن التقنية!
- التفاعل أهم من عدد المتابعين: في مؤثرين عندهم ملايين بس التفاعل ضعيف. اختار اللي الناس بتتفاعل معه بتعلق وبتسأل وبتشارك هدول الناس اللي ممكن يتحولوا لعملاء إلك.
- قيم مصداقيته: إذا بيعمل دعايات كثيرة وبطريقة مبالغ فيها، الناس ممكن ما تاخذ كلامه جد. المؤثر الموثوق هو اللي بيحكي عن الشي لما يقتنع فيه فعلاً وهيك بيأثر أكتر.
- حدد هدفك من الحملة: بدك توعية؟ مبيعات؟ متابعين جدد؟ بناء على الهدف بتختار المؤثر اللي طريقته بالطرح بتخدم مشروعك.
بدل كل هالعذاب الخطوة بيوفرلك مؤثرين مختارين بعناية وبربطك مع الناس اللي فعلاً بيفهموا فكرتك وبقدروا يوصلوها لجمهور مناسب فبتكون حملة تسويق المشاريع تبعتك مدروسة ومثمرة من أولها.
خلاصة الكلام
بالنهاية تسويق المشاريع هو مش بس إعلان أو بوست على السوشال ميديا هو طريقة تحكي فيها قصة مشروعك وتخلي الناس تتفاعل معك وتآمن بفكرتك. سواء كنت لسه بالبداية أو عندك مشروع شغال من فترة. التسويق هو المفتاح اللي بيفتحلك أبواب النجاح والاستمرارية. ومع الخطوة طريقك للتسويق صار أقصر وأذكى.
اقرأ أيضا:
حلول تسويقية لتضمن نجاح حملاتك
اسئلة شائعة
شو الطرق اللي بقدر أسوق فيها مشروعي؟
فيك تستخدم السوشال ميديا أو التسويق بالمحتوى أو الإعلانات المدفوعة أو التسويق عبر المؤثرين وكل وحدة إلها تأثيرها حسب نوع مشروعك.
كيف أبلش بتسويق مشروعي؟
ابدأ بتحديد جمهورك المستهدف واعرف وين بتواجدوا بعدين اختار القنوات اللي توصلهم من خلالها بطريقة ذكية وواضحة.
شو أحسن طريقة أسوق فيها المشروع؟
ما في طريقة وحدة للجميع بس التسويق عبر المؤثرين من أقوى الطرق حالياً لأنه بيوصل مشروعك لجمهور جاهز يتفاعل.
كيف أعمل إعلان لمشروعي؟
صمم رسالة بسيطة وجذابة استخدم فيها صور أو فيديو ووجه الإعلان لجمهور مهتم من خلال السوشال ميديا أو عن طريق مؤثرين مناسبين.