أخطاء لا تقع فيها عند التسويق عبر المؤثرين
حاسس إنو حملتك مع المؤثرين ما جابت النتيجة اللي توقعتها؟ يمكن تكون وقعت بأخطاء بسيطة بس تأثيرها كبير! الحقيقة إنو في أخطاء لازم تنتبهلها حتى ما تقع فيها عند التسويق عبر المؤثرين وإذا ما انتبهتلها من البداية ممكن تضيع تعبك وميزانيتك عالفاضي. بهالمقال من الخطوة راح نكشفلك أهم هاي الأخطاء وكيف تتفاداها بخطوات ذكية واحترافية.
التسويق عبر المؤثرين الغلط
التسويق عبر المؤثرين ممكن يرفع البراند لمستوى جديد وممكن ما يجيب أي نتيجة إذا انعمل بطريقة غلط. المشكلة إنو في شركات بتفكر إنو أي مؤثر عليه مشاهدات كتير يعني خلاص الحملة رح تنجح بس الحقيقة غير هيك. مرات بتلاقي المؤثر مش مناسب للفئة المستهدفة أو محتواه ما بتماشى مع صورة البراند أو حتى أسلوبه بعيد كل البعد عن رسالة الحملة.
وهون مش بتكون العلّة بالمؤثر نفسه بالعس المشكلة عندك وبتبدأ المشاكل تظهر لأنك بدل ما توصل لعملاء جدد بتضيع اسمك وسط زحمة المحتوى العشوائي. والأسوأ؟ إنو الناس تبطل تثق فيك! علشان هيك لازم دايماً تفكر بعقلك قبل ما تختار المؤثر. يعني التسويق الغلط عبر المؤثرين ممكن يسبب:
- تقليل مصداقية البراند.
- صرف ميزانية بدون نتيجة.
- محتوى ضعيف ما بوصل الرسالة.
- تفاعل قليل رغم الترويج.
- ردود فعل سلبية من الجمهور.
هون دور الخطوة الفعال لأنو بنربطك مع المؤثر المناسب تماماً لإلك. ما بس بنشوف عدد المتابعين وبنفحص التفاعل ونوع المحتوى والجمهور اللي بيوصلله. يعني باختصار بنساعدك تتجنب الأخطاء من الأساس وتطلق حملتك بثقة ونتائج ملموسة.
لا تركز عالأرقام وتنسى التفاعل الحقيقي
كتير ناس أول ما يشوفوا مؤثر عنده مليون متابع بيفكروا إنو هو الشخص المناسب للحملة بس هاي من أهم الأخطاء اللي بتعملها بالتسويق عبر المؤثرين. الأرقام لحالها ما بتحكي القصة الكاملة. ممكن يكون عنده متابعين وهميين أو جمهور مش مهتم بالمحتوى يلي بدك تعرضو أصلاً. التفاعل الحقيقي هو اللي بيفرق يعني الناس ترد تعلق تشارك تتفاعل بإيجابية.
لأن المؤثر الحقيقي هو اللي عنده تأثير حقيقي مش مجرد أرقام حلوة عالشاشة. لازم تشوف نسب التفاعل ونوعية الجمهور وحتى كيف بيحكي عن المنتجات. لأن كل هالتفاصيل بتحدد إذا حملتك رح تنجح ولا تنبلع بالزحمة. لهيك فينا نقول إنو التركيز عالأرقام بدون تفاعل ممكن يؤدي لـ:
- وصول الإعلان لجمهور مش مهتم.
- تفاعل ضعيف أو معدوم.
- نتائج أقل بكتير من المتوقع.
- إحساس عام إن الإعلان مشترى.
- فقدان ثقة الناس بالبراند والمحتوى.
تأكد من أداء المؤثر بحملاته السابقة
قبل ما تعطي مؤثر الحملة تبعتك لازم توقف شوي وتسأل: شو عمل قبل؟ لأن من الأخطاء اللي لازم تنتبهلها عند التسويق عبر المؤثرين إنك تمشي بشكل عشوائي بدون ما تشوف تجربته. طلع عحساباته شو نوع البراندات اللي اشتغل معها؟ كيف كان التفاعل؟ هل فعلياً ساعدهم يوصلوا لهدفهم؟ في مؤثرين شاطرين بالحكي بس ما عندهم نتيجة فعلية.
تقييمك لأدائه السابق هو المفتاح لتتأكد إنك بتحط حملتك بإيدين صح. لا تعتمد بس على اسم المؤثر أو أسلوبو شوف الإنجازات والنتائج على أرض الواقع. لأن المؤثر اللي عنده سجل قوي غالباً رح يعطيك حملة ناجحة ومؤثرة. وإذا ما تأكدت من أداء المؤثر ممكن يصير:
- تكرار نفس الأخطاء اللي عملها مع غيرك.
- حملتك تكون ضعيفة ومخيبة للآمال.
- خسارة ثقة الجمهور لأن المحتوى غير مقنع.
- صرف ميزانية على مؤثر ما عنده تأثير فعلي.
اعمل عقد رسمي أو اتفاق واضح
من أهم الأخطاء اللي المفروض تتجنبها عند التسويق عبر المؤثرين إنك تشتغل مع مؤثر بدون ما توثق كل شي باتفاق واضح أو عقد رسمي. لا تعتمد عالكلام أو الرسائل لأنه وقت الجد الكل بنسى أو بفسر الأمور بطريقته. العقد بيوضح كل التفاصيل: عدد المنشورات ونوع المحتوى ومواعيد النشر والدفع وحتى شو بصير لو صار تأخير أو تغير بالخطة.
وجود اتفاق رسمي بيحمي الطرفين وبيمنع أي سوء تفاهم. وصدقني لو صار أي خلاف العقد هو المرجع اللي بيرجعلك حقك وبيحافظ على شغلك. لهيك دير بالك لا تبدأ حملة بدون ورقة موقعة وواضحة. وممكن خبرك إنو عدم وجود عقد أو اتفاق واضح ممكن يسبب:
- تأخير بالمحتوى أو عدم النشر نهائياً.
- خلافات على الدفع أو شروط العمل.
- محتوى مختلف عن اللي كنت متفق عليه.
- صعوبة بالمطالبة بحقوقك بعد الحملة.
- ضرر لسمعة البراند إذا المؤثر تجاوز الحدود.
تجنب المؤثر اللي بيعمل محتوى مكرر
ما في إشي ممكن يطفّش الجمهور أسرع من محتوى مكرر ومعاد. لما المؤثر يضل يقدم نفس النمط بكل إعلان ونفس الأسلوب بكل حملة. الناس فوراً بتحس إنو الحكي محفوظ ومش نابع من تجربة حقيقية. المحتوى صار لازم يكون متجدد عفوي ويشبه حياة الناس اليومية.
اليوم الجمهور أذكى من قبل وبميز بسهولة بين إعلان معمول بس عالسريع وبين إعلان وراه فكرة وتعب. علشان هيك ضروري تختار مؤثر عنده قدرة يغير بأسلوبه ويقدم البراند تبعك بطريقة مميزة ومقنعة مش نسخة مكررة من آخر خمس حملات. فكيف ممكن يأثر التسويق عبر المؤثرين اللي بيعتمدو محتوى مكرر على إعلانك؟
- فقدان انتباه الجمهور بسرعة.
- الإحساس إن الإعلان مدفوع ومصطنع.
- ضعف التفاعل مع المحتوى.
- تشويه صورة البراند أو ربطه بالملل.
- تقليل فرص الناس يتخذوا قرار الشراء.
وهون بييجي دور الخطوة إحنا بنساعدك توصل لمؤثر فعلياً بضيف لقيمتك مش بس بينشر بوست وينساك.
لا تقطع علاقتك مع المؤثر بعد الحملة
كتير ناس بيعتقدوا إن العلاقة مع المؤثر بتنتهي أول ما تخلص الحملة وهاذ خطأ كبير بمجال التسويق عبر المؤثرين. العلاقة طويلة المدى مع المؤثر بتفتحلك فرص كثيرة وبتخلي اسم البراند يظل دايماً حاضر أمام الجمهور سواء الجديد أو القديم. لما توقف التواصل بعد كل حملة بتخسر فرصة تثبيت صورتك بشكل أقوى عند الناس.
التعاون المستمر بيزيد من مصداقية البراند وبيخلي الرسالة توصل بشكل طبيعي وأقرب للناس مش مبالغ فيه أو مصطنع. وكمان لما تكون علاقتك بالمؤثر قوية بتقدر تستفيد من خبراته وتحسن الحملات الجاية بسهولة وسرعة أكبر. بس خليني احكيلك قطع العلاقة بعد الحملة إيش ممكن يسبب:
- فقدان استمرارية الظهور أمام الجمهور.
- تقليل ثقة الناس بالبراند مع مرور الوقت.
- زيادة صعوبة بناء حملات ناجحة بالمستقبل.
- خسارة فرص تعاون مع مؤثرين متوافقين معك.
- ظهور البراند بشكل متقطع وغير منتظم.
الخلاصة
التسويق عبر المؤثرين مش بس فكرة حلوة هو خطوة لازم تنفذها بذكاء واحتراف. إذا وقعت بالأخطاء ممكن تفقد فرص كبيرة وتضيع ميزانيتك بلا فايدة. بس لما تختار الصح وتعرف كيف تدير علاقتك مع المؤثرين بتصير حملتك قصة نجاح يتداولها الكل. لا تهمل التفاصيل لأن التسويق عبر المؤثرين هو المفتاح اللي بيفتحلك أبواب السوق بقوة!
اقرأ أيضا:
تسويق المؤثرين للعلامات التجارية
التسويق عن طريق المؤثرين بديل الحملات التسويقية المكلفة
اسئلة شائعة
إيش هو الخطأ الشائع بالتسويق عبر المؤثرين؟
الخطأ الأكبر إنك تختار مؤثر بس على أساس عدد المتابعين بدون ما تتأكد من تفاعل جمهوره أو مدى تناسبه مع البراند.
شو يعني التسويق عبر المؤثرين؟
هو طريقة ترويج المنتجات أو الخدمات عن طريق ناس عندهم جمهور كبير على السوشيال ميديا ويقدروا يأثروا على قراراتهم.
شو أهم الأخطاء اللي بتأثر على نجاح حملات التسويق عبر المؤثرين؟
اختيار مؤثر غلط عدم وجود خطة واضحة والاعتماد على الأرقام فقط وعدم متابعة الأداء بعد الحملة.
إيش الفرق بين التسويق عن طريق المشاهير والتسويق عبر المؤثرين؟
التسويق عن طريق المشاهير بيكون مع ناس مشهورين مثل الممثلين أو الرياضيين أما التسويق عبر المؤثرين بيشمل ناس عندهم تأثير على جمهور محدد حتى لو مش معروفين كتير.