تسويق المطاعم
اليوم كلنا شايفين كيف عالم التسويق تغيّر وصارت فيه طرق جديدة بتوصل المطعم لعملائه بشكل أسرع وأسهل. من أهم هالطرق هو التسويق بالمؤثرين، واللي صار عنصر أساسي في خطط تسويق المطاعم. لا تفكر إنو المؤثر بيزور المطعم بالصدفة! الموضوع كله عبارة عن علاقة تجارية بين المطاعم والمؤثرين، وفي هالمقال من موقعنا الخطوة رح نحكيلك عن كواليس هالنوع من التسويق، وكيف تختار المؤثرين الأنسب إلك ولمطعمك.
شو دور المؤثرين بتسويق المطاعم؟
سواء كان المطعم جديد أو قديم وبدّه يوصل لعدد أكبر من الزبائن، لازم يكون فيه حدا عنده تأثير يحكي عنه. المؤثرين بيساعدوا بنشر اسم المطعم بسرعة من خلال الفيديوهات، الريفيوهات، والستوريز، ولما المؤثر يزور المطعم ويشارك تجربته، بيصوّر الأكل، بيحكي عن الأجواء والخدمة، المتابعين رح يحسّوا وكأنهم عايشين التجربة بنفسهم، وهذا بيزيد من مصداقية المطعم.
لما متابع يشوف مؤثر بيحكي عن طبق معين بطريقة مشهّية أو بيشارك عرض حصري من المطعم، نسبة كبيرة من الناس بتتشجع تزور وتجرب بنفسها. غير هيك، المؤثرين بيقدروا يخلقوا ترند معين عن المطعم، زي تحدي أكل أو تجربة طبق جديد، وهذا بيخلي المحتوى ينتشر بشكل أكبر، والناس تتفاعل مع المطعم. هون بيجي دورنا! عندنا خبرة باختيار المؤثرين الأنسب لمطعمك، كل اللي عليك تتواصل معنا حتى نساعدك تختار الصح.
شو أنواع المؤثرين المناسبين لتسويق المطاعم؟
في مجال تسويق المطاعم مش كل المؤثرين نفس الاشي، كل واحد عنده نوع محتوى خاص فيه، وتأثيره بيختلف حسب الجمهور اللي بيتابعه. خلينا نحكي عن الأنواع الأساسية من المؤثرين وكيف كل واحد فيهم بيساعد بالتسويق:
1. مؤثرين الأكل (Food Bloggers & Foodies)
هذول الناس حبّهم للأكل واضح! بيشاركو تجاربهم مع المتابعين بطريقة تفصيلية ودقيقة، بيحكوا عن الطعم، الخدمة، الأجواء وحتى الأسعار. مناسبين للمطاعم المتخصصة (زي المندي، البرجر) أو المطاعم الجديدة اللي بدها شهرة سريعة. محتواهم غالبًا بيكون فيديوهات تذوّق أو تحديات أكل.
2. مؤثرين اللايف ستايل (Lifestyle Influencers)
هذول عندهم محتوى عام عن حياتهم اليومية، وبيشاركوا تجربتهم في المطاعم كجزء من روتينهم الطبيعي. تأثيرهم قوي لأن متابعينهم بيوثقوا فيهم، وهاد بيجذب جمهور جديد. مناسبين في تسويق المطاعم الفاخرة والكافيهات المميزة.
3. المؤثرين المحليين (Local Influencers)
هذول مشهورين بمنطقة معينة، وبيساعدوا المطاعم اللي تستهدف زبائن محليين. إذا مطعمك جديد وفتح بعمان، الزرقاء، إربد… فالتعاون مع مؤثر محلي ممكن يكون الخيار المثالي لجذب أهل المنطقة.
4. المؤثرين المشاهير (Celebrities & Macro Influencers)
عندهم عدد متابعين ضخم، عندهم تأثير جيد في عالم الأكل. هم بيجيبوا مشاهدات كبيرة وعندهم حضور قوي، مفيدين جداً في إشهار اسم المطعم وزيادة الوعي ولكن مش بالضرورة الناس تروح تجرب المطعم.
كيف تختار المؤثر الأنسب لمطعمك؟
اختيار المؤثر الصح لتسويق المطاعم مش مجرد عدد متابعين، لازم يكون عنده تفاعل قوي ومحتوى متناسب وجمهور مستهدف بيهتم بتجارب الأكل. خلينا نحكي عن الأنسب حسب نوع المطعم والجمهور المطلوب.
مؤثرين الأكل
هم الخيار الأفضل للمطاعم اللي بدها توصل للناس اللي بتحب تجربة الأكلات الجديدة. هذول المؤثرين بيقدموا مراجعات تفصيلية عن الأكل والخدمة والأجواء. عندهم جمهور وفي مهتم بتجارب المطاعم. المطاعم الفاخرة والمطاعم المتخصصة مثل السوشي أو البرجر وحتى المطاعم الجديدة اللي بدها شهرة سريعة كلهم بيستفيدوا من تعاونهم مع هالفئة من المؤثرين. محتواهم غالباً بيكون عبارة عن فيديوهات تذوق مع تصوير احترافي للأطباق أو تحديات أكل ممتعة.
المؤثرين المحليين
هما كمان خيار قوي خصوصاً للمطاعم اللي بتستهدف جمهور معين في منطقة جغرافية محددة. هدول عندهم متابعين من نفس المدينة وهاد بيزيد من احتمالية زيارة الناس للمطعم فعلياً. المطاعم العائلية والمقاهي والمطاعم اللي بتعتمد على الزبائن الدائمين ممكن تستفيد بشكل كبير من هالمؤثرين اللي بينشروا محتوى عن العروض والفعاليات الخاصة بالمطعم.
مؤثرين اللايف ستايل والحياة
هذول عندهم تأثير كبير لأن متابعينهم بيثقوا فيهم بكل شيء من الأكل للموضة. هالفئة مناسبة للمطاعم الراقية والكافيهات الفاخرة اللي بتستهدف جمهور معين مثل الشباب أو العائلات اللي بتدور على تجربة مختلفة. محتواهم عادة بيكون عن الأجواء والديكور وكمان توثيق تجربة الأكل بطريقة جذابة أو مشاركة عروض ودعوات حصرية للمتابعين.
مؤثرين التحديات
أما لو المطعم بدو يوصل لجمهور واسع بطريقة ممتعة فالمؤثرين اللي بيعملوا تحديات وترفيه بيكونوا الخيار الأفضل. هذول بيجذبوا المتابعين من خلال التحديات والتجارب الفريدة وهاد مناسب لمطاعم الوجبات السريعة أو الأماكن اللي بتقدم أطباق غريبة ومميزة. ممكن يعملوا تحديات أكل بسرعة أو بكميات كبيرة، يجربوا أطباق نادرة أو حتى يسووا مسابقات للمتابعين مرتبطة بالمطعم.
خلاصة الكلام
باختصار تسويق المطاعم صار يعتمد بشكل كبير على المؤثرين بس مش أي مؤثر ممكن يجيب النتيجة المطلوبة. المطاعم الفاخرة بتستفيد أكتر من مؤثرين الأكل واللايف ستايل بينما المطاعم السريعة والشعبية بيناسبها المؤثرين المحليين ومؤثرين التحديات. الأهم إن المطعم يختار المؤثر اللي فعلاً بيقدر يوصل تجربته للناس بطريقة مؤثرة وحقيقية لأن النجاح بهالمجال مش بس بعدد المشاهدات بل بعدد العملاء اللي فعلاً بتيجي وتجرب بنفسها. فيك تستفاد من الخطوة لنساعدك في اختيار المؤثر الأنسب الك.
اقرأ أيضا: