تسويق المؤثرين للعلامات التجارية
فكرت مرة كيف منتج عادي بصير ترند بيوم وليلة؟ السر مش دايماً بالجودة أوقات بيكون بحسب مين اللي حكى عنه. تسويق المؤثرين للعلامات التجارية اليوم غير مفهوم الإعلان التقليدي وصار هو الطريقة الأسرع لتوصيل رسالتك للناس اللي عنجد مهتمين.
بهالمقال من الخطوة راح نحكيلك كيف تستفيد من هالنوع من التسويق وتختار المؤثر الصح اللي يرفع علامتك التجارية لأعلى مستوى.
إيش يعني تسويق المؤثرين للعلامات التجارية؟
تسويق المؤثرين للعلامات التجارية هو نوع من أنواع التسويق اللي بيعتمد على التعاون مع أشخاص إلهم تأثير حقيقي على جمهورهم وبيستخدموا منصاتهم على السوشال ميديا زي إنستغرام أو تيك توك أو يوتيوب أو سناب شات عشان يوصلوا رسالة البراند بطريقة عفوية وشخصية.
بدل ما تطلع بإعلان رسمي ومباشر بتخلي مؤثر يوصل فكرتك من خلال محتوى بيشبهو زي فيديو أو ستوري أو منشور وكأنه بيشارك تجربته اليومية مع متابعينه. الناس بتحب هالنوع من المحتوى لأنه واقعي مش تجاري وبيخليهم يحسوا إنهم عم يسمعوا نصيحة من حدا بعرفوه وبوثقوا فيه.
الهدف هون مش بس توصل البراند للناس بل توصله من خلال شخص بيحكي بلغتهم بيعرف اهتماماتهم وبيعرف كيف يأثر فيهم. وهذا الإشي بالذات اللي بفرق تسويق المؤثرين عن أي نوع تاني من الإعلانات.
كيف بيساعد تسويق المؤثرين العلامات التجارية؟
هلأ بعد ما فهمنا شو هو تسويق المؤثرين خلينا نحكي عن الأهم: كيف فعلياً بيساعد العلامات التجارية؟ شو القيمة اللي ممكن تاخدها الشركات من ورا شراكتها مع المؤثرين؟ الجواب فيه تفاصيل كثيرة وهاي أبرزها:
- زيادة الوعي بالعلامة التجارية: لما المؤثر يذكر اسم شركتك أو منتجك بيوصل لمتابعينه وهالإشي بيساعد الناس يتعرفوا عليك أكثر.
- بناء ثقة بسرعة: الناس بتوثق بالمؤثرين اللي بتابعهم ولهيك بيكون من السهل إقناعهم إنهم يجربوا منتجك.
- محتوى إبداعي جاهز: المؤثرين بيعرفوا كيف يعملوا محتوى جذاب وبهالطريقة بتكسب محتوى تسويقي ممكن تستخدمه بحملاتك.
- الوصول لشريحة مستهدفة: بدل ما تحكي مع كل الناس فيك تشتغل مع مؤثرين جمهورهم هو بالضبط الشريحة اللي بدك إياها.
- تحقيق نتائج ملموسة: سواء كان هدفك زيادة المبيعات أو رفع عدد الزيارات للموقع أو حتى بس تحميل تطبيق المؤثرين ممكن يساعدوا بشكل مباشر.
ليش الشركات صارت تعتمد على هالنوع من التسويق؟
السبب بسيط، الناس صارت تمل من الإعلانات التقليدية وتحب تسمع من حدا تثق فيه. وهون بيجي دور تسويق المؤثرين للعلامات التجارية اللي غير طريقة التواصل بين الشركات والعملاء. بدل ما الشركة تحكي عن حالها صار المؤثر هو اللي يحكي عنها وهذا لحاله بيعطي مصداقية أكبر.
ومن الأسباب اللي خلت الشركات تروح لهالنوع من التسويق:
- الثقة: المتابعين بيوثقوا بالمؤثرين أكتر من الإعلانات المباشرة.
- الوصول الدقيق: كل مؤثر عنده جمهور محدد وهيك الشركات بتوصل للناس المهتمين فعلاً.
- التفاعل العالي: المحتوى اللي بنشره المؤثر عادةً بيجيب لايكات وشير وتعليقات أكتر من الإعلان العادي.
- تكلفة أقل مقابل نتائج أكبر: حملات المؤثرين غالباً بتكلف أقل من الإعلانات الضخمة وبترجع بنتائج ملموسة.
- تنوع بالأسلوب: كل مؤثر إله ستايله وهيك المحتوى بكون عفوي وأقرب للناس.
كيف تختار المؤثر الصح لعلامتك التجارية؟
اختيار المؤثر المناسب مش عملية عشوائية ومش كل حدا عنده متابعين كتار هو الشخص الصح لعلامتك. اللي بدك ياه مش بس أرقام بدك تأثير حقيقي يوصل رسالتك للناس اللي عنجد مهتمين. فقبل ما تختار فكر بالنقاط التالية:
- اعرف جمهورك المستهدف: اسأل حالك: مين الناس اللي بدك توصللهم؟ شباب؟ صبايا؟ أعمارهم؟ اهتماماتهم؟ بعد هيك دور على مؤثر جمهوره بيطابق جمهورك.
- طابق القيم والأسلوب: مهم المؤثر يكون ستايله متناسق مع صورة علامتك. إذا كنت شركة رسمية بدك مؤثر أسلوبه مرتب ومحترف. وإذا كنت براند شبابي بدك حدا عفوي وكاجوال.
- راقب التفاعل مش بس الأرقام: اللايكات والمشاهدات لحالها مش كفاية. شوف إذا المتابعين بتفاعلوا عنجد بيعلقوا وبيشاركوا وبيسألوا. التفاعل الحقيقي أقوى من عدد المتابعين.
- راجع المحتوى القديم: خدلك جولة على البوستات والستوريز القديمة للمؤثر. شوف إذا محتواه ثابت وإذا اشتغل قبل مع براندات شبيهة وكيف كانت التجربة.
- حدد نوع الحملة اللي بدك إياها: بدك فيديو توضيحي؟ مراجعة؟ صورة مع المنتج؟ حسب نوع المحتوى بتقدر تحدد إذا المؤثر عنده القدرة ينفذ المطلوب ولا لأ.
وعشان ما تتعب حالك بالبحث والتحليل موقع الخطوة بوفرلك أدوات فلترة ذكية بتحلل بيانات المؤثرين وبتعرضلك أفضل الخيارات اللي بتناسب علامتك من كل النواحي: جمهور ومحتوى وتفاعل. يعني بتوفر وقت وبتضمن نتيجة أقوى.
إيش الفرق بين تسويق المؤثرين للعلامات التجارية والحملات الإعلانية؟
الفرق بيناتهم مش بس بالطريقة بل بالتأثير كمان. الحملات الإعلانية التقليدية بتعتمد على عرض مباشر للمنتج أو الخدمة وغالباً بيكون واضح إنه إعلان فالجمهور ممكن يتجاهله أو يحس إنه مبالغ فيه. أما تسويق المؤثرين فبيعتمد على الثقة والعلاقة القوية بين المؤثر ومتابعينه والرسالة بتوصل بشكل عفوي وطبيعي.
خليني أحكيلك الفرق بشكل أوضح:
- الحملات الإعلانية بتكون مباشرة وواضحة إنها إعلان.
- تسويق المؤثرين بيكون محتوى طبيعي وكأنه جزء من حياة المؤثر.
- الناس بتتردد تصدق الإعلان.
- الناس بيوثقوا بالمؤثر لأنه بيشبههم وبيحكوا بلغتهم.
- الإعلان ممكن يوصل لعدد كبير بس بدون تفاعل.
- المؤثرين بيوصلوا لجمهور مهتم وبحققوا تفاعل أعلى.
خلاصة الكلام
وهيك بعد ما غطينا أهم النقاط صار واضح إنه تسويق المؤثرين للعلامات التجارية مش بس موضة أو توجه مؤقت بل أداة فعالة بتوصلك لجمهورك بشكل حقيقي وعفوي. الناس بطلت تثق بالإعلانات المباشرة وصارت تدور على توصية من شخص بتتابعه وبتوثق فيه. وهون بيجي دور المؤثرين اللي بيخلقوا رابط بين علامتك والجمهور المستهدف. وموقع الخطوة جاهز يوصلك بالمؤثر الصح ويوفر عليك الوقت والجهد.
اقرأ أيضا:
تسويق المشاريع وفائدة المؤثرين بهذا النوع من التسويق
التسويق عن طريق المؤثرين بديل الحملات التسويقية المكلفة
أهمية تسويق المؤثرين للشركات الصغيرة والمتوسطة
اسئلة شائعة
ليش التسويق عبر المؤثرين مهم للعلامات التجارية؟
التسويق عبر المؤثرين مهم للعلامات التجارية لأنه بيوصل الرسالة من خلال أشخاص الناس بتثق فيهم وهيك بتكون أقرب وأقوى من أي إعلان تقليدي.
كيف الشركات بتتعاون مع المؤثرين؟
الشركات بتتعاون مع المؤثرين من خلال الاتفاق على محتوى معين منشور أو فيديو أو ستوري يعرضوا فيه المنتج أو الخدمة بطريقة بتناسب ستايل المؤثر.
كيف المؤثرين بيساهموا برفع الوعي بالعلامة التجارية؟
المؤثرين بيساهموا برفع الوعي بالعلامة التجارية لما يحكوا عن البراند قدام متابعينهم الناس بتتعرف عليه بسرعة وبطريقة طبيعية ما فيها تكلف.
شو يعني تسويق مؤثر وكيف بيساعد بالترويج؟
تسويق مؤثر يعني استخدام شخصية مؤثرة على السوشال ميديا للتسويق لمنتجك وبيساعد يوصل البراند لجمهور مهتم ويتفاعل بصدق.